നരേന്ദ്ര മോദിയെ അപായപ്പെടുത്തുമെന്ന് ഭീഷണി ; യുവതി പിടിയിൽ

മുംബൈ ; പ്രധാനമന്ത്രി നരേന്ദ്ര മോദിയെ അപായപ്പെടുത്തുമെന്ന് ഭീഷണിപ്പെടുത്തി മുംബൈ പൊലീസിനെ വിളിച്ച 34 കാരി പിടിയിൽ. മുംബൈയുടെ പടിഞ്ഞാറൻ പ്രാന്ത പ്രദേശമായ അംബോലിയിൽ നിന്നാണ് ഫോൺ സന്ദേശം ലഭിച്ചത്.

തുടർന്ന് കോൾ ട്രാക്ക് ചെയ്ത് അന്വേഷണം ആരംഭിച്ച പോലീസ് യുവതിയെ പിടികൂടി. ചോദ്യം ചെയ്തപ്പോൾ യുവതിക്ക് മാനസികാസ്വാസ്ഥ്യം ഉള്ളതായി ബോധ്യപ്പെട്ടെന്ന് മുംബൈ പോലീസ് അറിയിച്ചു.യുവതിക്ക് മുമ്പ് ക്രിമിനൽ പശ്ചാത്തലമില്ലെന്ന് ഉദ്യോഗസ്ഥർ പറഞ്ഞു. കൂടുതൽ അന്വേഷണം നടന്നുവരികയാണെന്നും പോലീസ് വ്യക്തമാക്കി.

കഴിഞ്ഞ വർഷവും പ്രധാനമന്ത്രി മോദിയെയും ഉത്തർപ്രദേശ് മുഖ്യമന്ത്രി യോഗി ആദിത്യനാഥിനെയും വധിക്കാൻ പദ്ധതിയിടുന്നതായി മുമ്പേ പോലീസ് ട്രാഫിക് കൺട്രോൾ റൂമിലേക്ക് ഭീഷണി സന്ദേശം ലഭിച്ചിരുന്നു.