ന്യൂദല്‍ഹി : ഡീസലിന് അധിക നിരക്ക് ഈടാക്കുന്നതിനെതിരെയുളള കെ എസ് ആര്‍ ടി സിയുടെ ഹര്‍ജി സുപ്രീംകോടതി തള്ളി.പൊതുമേഖല എണ്ണക്കമ്പനികളുടെ നിരക്ക് അധികമാണെങ്കില്‍ കോര്‍പ്പറേഷന് മറ്റ് മാര്‍ഗങ്ങള്‍ ആരാഞ്ഞുകൂടേയെന്നും കോടതി ചോദിച്ചു.
പൊതു മേഖല എണ്ണ കമ്പനികള്‍ ബള്‍ക്ക് പര്‍ച്ചേസര്‍മാര്‍ക്കുള്ള ഡീസല്‍ നിരക്ക് നിശ്ചയിക്കുന്ന രീതി അറിയണമെന്ന കെ.എസ്.ആര്‍.ടി.സി.യുടെ ആവശ്യം അതിരുകടന്നതാണെന്നും സുപ്രീംകോടതി പറഞ്ഞു. ജസ്റ്റിസുമാരായ ജെ.ബി പാര്‍ഡിവാല ആര്‍. മഹാദേവന്‍ എന്നിവരുള്‍പ്പെട്ട ബെഞ്ചിന്റേതാണ് വിധി.
പ്രതിദിനം നാല് ലക്ഷത്തിലേറെ ലീറ്റര്‍ ഡീസലാണ് ആവശ്യമായി വരുന്നതെന്നും വിപണി വിലയേക്കാള്‍ ലിറ്ററിന് ഇരുപത് രൂപയോളമാണ് പൊതുമേഖല എണ്ണ കമ്പനികള്‍ ഈടാക്കുന്നതെന്നും കെഎസ്ആര്‍ടിസി കോടതിയെ അറിയിച്ചു.വിഷയത്തില്‍ ഇടപെടാന്‍ കഴിയില്ലെന്ന് ചൂണ്ടിക്കാട്ടിയാണ് ഹര്‍ജി സുപ്രീംകോടതി തള്ളിയത്.
പ്രതികരിക്കാൻ ഇവിടെ എഴുതുക: