അസംപ്ഷന്‍ കോളജ് കിരീടം നിലനിര്‍ത്തി

ചങ്ങനാശ്ശേരി: അസംപ്ഷന്‍ കോളജ് ഇന്‍ഡോര്‍ സ്റ്റേഡിയത്തില്‍ നടന്ന എം ജി സര്‍വകലാശാല ബാസ്‌കറ്റ്ബാള്‍ ചാമ്പ്യന്‍ഷിപ്പില്‍ നാലു ടീമുകള്‍ മത്സരിച്ച ഫൈനല്‍ റൗണ്ട് റോബിന്‍ ലീഗ് ചാമ്പ്യന്‍ഷിപ്പില്‍ എല്ലാ മത്സരങ്ങളും വിജയിച്ചു എം.ജി. സര്‍വകലാശാല വനിതാ ബാസ്‌ക്കറ്റ് ബോള്‍ കിരീടം നിലനിര്‍ത്തി.

അവസാന ലീഗ് മത്സരത്തില്‍ അസംപ്ഷന്‍ ഹാഫ് ടൈമില്‍ 29-17ന് മുന്നിട്ടുനില്‍ക്കുകയും മത്സരം പൂര്‍ത്തിയായപ്പോള്‍ അല്‍ഫോന്‍സ കോളജ് പാലായെ (49-36) തോല്‍പിച്ചു. കിരീടം ചൂടി അക്ഷയ ഫിലിപ്പാണ് 19 പോയിന്റുമായി അസംപ്ഷന്‍ന്റെ ടോപ് സ്‌കോറര്‍. സ്‌പോര്‍ട്‌സ് കൗണ്‍സില്‍ പരിശീലകനായ ജോബിന്‍ വര്‍ഗീസാണ് അസംപ്ഷന്റെ പരിശീലകന്‍.

എറണാകുളത്തെ സെന്റ് തെരേസസ് കോളജിനയും (77-32) രാജഗിരി കോളേജ് കളമശ്ശേരിയെയും തോല്പിച്ചിരുന്നു. എറണാകുളത്തെ സെന്റ് തെരേസസ് കോളേജിനെ (48-26)നും രാജഗിരി കോളേജ് കളമശ്ശേരിയെ(55-41)നും പരാജയപ്പെടുത്തി അല്‍ഫോന്‍സ കോളേജ് പാലാ രണ്ടാം സ്ഥാനം. രാജഗിരിക്കെതിരായ (48-41) ഏക ജയത്തോടെ എറണാകുളം സെന്റ് തെരേസസ് മൂന്നാം സ്ഥാനത്തും എത്തി.