കോഴിക്കോട് : സൂപ്പര്‍ ലീഗ് കേരള ഫുട്‌ബോളില്‍ കാലിക്കറ്റ് എഫ് സി ഫൈനലില്‍ കടന്നു. ചൊവ്വാഴ്ച നടന്ന മത്സരത്തില്‍ തിരുവനന്തപുരം കൊമ്പന്‍സിനെ ഒന്നിനെതിരെ രണ്ടു ഗോളുകള്‍ക്കാണ് തോല്‍പ്പിച്ചത്.
തുടക്കത്തില്‍ ഒരു ഗോളിന് പിന്നില്‍ പോയ ശേഷമായിരുന്നു കാലിക്കറ്റ് എഫ് സി വിജയിച്ചത്.
ആദ്യ പകുതിയില്‍ തിരുവനന്തപുരം കൊമ്പന്‍സിന് ലീഡ് നിലനിര്‍ത്താനായി. കാലിക്കറ്റ് എഫ്.സിക്ക് വേണ്ടി 60ാം മിനുട്ടില്‍ സബ്‌സ്റ്റിട്യൂട് ആയി ഇറങ്ങിയ കെന്നഡിയുടെ ആദ്യ ടച്ച് തന്നെ ഗോള്‍. സ്‌കോര്‍ 1-1. 73ാം മിനുട്ടില്‍ ക്യാപ്റ്റന്‍ ഗനി നിഗം അഹമ്മദിലൂടെ കാലിക്കറ്റ് ലീഡ് നേടി.
ബുധനാഴ്ച വൈകിട്ട് 7.30 ന് നടക്കുന്ന രണ്ടാംസെമിയില്‍ കണ്ണൂര്‍ വോറിയേഴ്‌സും ഫോഴ്‌സ കൊച്ചിയും ഏറ്റുമുട്ടും. രണ്ടു സെമികളിലും വിജയിച്ചെത്തുന്ന ടീമുകള്‍ പത്തിനു വൈകിട്ട് 7.30ന് നടക്കുന്ന ഫൈനലില്‍ കളിക്കും.
പ്രതികരിക്കാൻ ഇവിടെ എഴുതുക: