തിരുവനന്തപുരം: യാക്കോബായ സഭാ അധ്യക്ഷന്‍ ബസേലിയോസ് തോമസ് പ്രഥമന്‍ ബാവയുടെ വിയോഗത്തില്‍ അനുശോചിച്ച് ബിജെപി സംസ്ഥാന അധ്യക്ഷന്‍ കെ.സുരേന്ദ്രന്‍ സുവിശേഷക്കാരില്‍ സ്വര്‍ണനാവുകാരന്‍ എന്നറിയപ്പെടുന്ന തിരുമേനി സേവനപ്രവര്‍ത്തനങ്ങളില്‍ നിറഞ്ഞു നിന്ന മഹത് വ്യക്തിത്വമായിരുന്നു എന്ന് സുരേന്ദ്രന്‍ പറഞ്ഞു.
ജാതി മത ചിന്തകള്‍ക്കപ്പുറം എല്ലാവരെയും ഒരു പോലെ കാണാനും ഇടപെടാനും ബസേലിയോസ് തോമസ് പ്രഥമന്‍ ബാവയ്‌ക്ക് കഴിഞ്ഞിരുന്നുവെന്നും കെ.സുരേന്ദ്രന്‍ പറഞ്ഞു.
കേന്ദ്ര സഹമന്ത്രി ജോര്‍ജ് കുര്യനും ബസേലിയോസ് തോമസ് പ്രഥമന്‍ ബാവയുടെ വിയോഗത്തില്‍ അനുശോചനം രേഖപ്പെടുത്തി.കേന്ദ്ര സര്‍ക്കാരിന് വേണ്ടി അനുശോചനം രേഖപ്പെടുത്തുന്നതായി ജോര്‍ജ് കുര്യന്‍ പറഞ്ഞു.
വ്യാഴാഴ്ച വൈകിട്ടാണ് ബസേലിയോസ് തോമസ് പ്രഥമന്‍ ബാവ അന്തരിച്ചത്. സംസ്‌കാരം ശനിയാഴ്ച നടക്കും.
പ്രതികരിക്കാൻ ഇവിടെ എഴുതുക: