ബെംഗളൂരു: കര്‍ണാടക ആര്‍ടിസി ബസില്‍ വെച്ച് യുവതി ഇരട്ടക്കുഞ്ഞുങ്ങള്‍ക്ക് ജന്മം നല്‍കി. ഏഴുമാസം ഗര്‍ഭിണിയായിരുന്ന ഹുനസനഹള്ളി സ്വദേശി റസിയ ബാനു ആ
ണ് ബസിനുള്ളില്‍ കുഞ്ഞിന് ജന്മം നല്‍കിയത്.
തിങ്കളാഴ്ച വൈകീട്ട് കനകപുരയില്‍ നിന്ന് ഹുനസനഹള്ളിയിലേക്ക് യാത്ര ചെയ്യാന്‍ വേണ്ടിയാണ് യുവതി ബസില്‍ കയറിയത്. യുവതി ജോലി സ്ഥലത്ത് നിന്നും മടങ്ങാന്‍ വേണ്ടി
ബസില്‍ കയറി. അവിടെനിന്നും ബസില്‍ കയറി ബസ് കുറച്ചു ദൂരം സഞ്ചരിച്ചപ്പോള്‍ യുവതിക്ക് പ്രസവ വേദന അനുഭവപ്പെടുകയായിരുന്നു.
ഉടന്‍ തന്നെ യാത്രക്കാര്‍ യുവതിക്ക് വേണ്ടി സൗകര്യങ്ങള്‍ ബസില്‍ ഒരുക്കി. ബസ് നേരെ ജീവനക്കാര്‍ ആശുപത്രിയിലേക്ക് വിട്ടു. അപ്പോഴേക്കും യുവതി ബസില്‍ പ്രസവിച്ചിരുന്നു. ബസ് ആശുപത്രിയില്‍ എത്തിയപ്പോള്‍ നഴ്‌സുമാരെത്തി അമ്മയെയും കുഞ്ഞുങ്ങളെയും ആശുപത്രിയിലേക്ക് മാറ്റി. അമ്മയും കുഞ്ഞുങ്ങളും സുഖമായിരിക്കുന്നു എന്ന് ആശുപത്രി അധികൃതര്‍ അറിയിച്ചു. ഇവിടെ നിന്നും ഇവരെ ബെംഗളൂരുവിലെ വാണിവിലാസ് ആശുപത്രിയിലേക്ക് മാറ്റി.
രണ്ട് ദിവസം കഴിഞ്ഞാല്‍ ഇവര്‍ക്ക് ആശുപത്രിവിടാന്‍ സാധിക്കും എന്നാണ് വിവരം.
പ്രതികരിക്കാൻ ഇവിടെ എഴുതുക: