ഷാലിമർ എക്‌സ്പ്രസിന്റെ രണ്ട് കോച്ചുകൾ പാളം തെറ്റി

നാഗ്പൂർ: മഹാരാഷ്‌ട്രയിലെ നാഗ്പൂരിൽ ഷാലിമർ എക്‌സ്പ്രസിന്റെ രണ്ട് കോച്ചുകൾ പാളം തെറ്റി. ഇന്ന് ഉച്ചയ്‌ക്ക് 2 മണിയോടെയായിരുന്നു സംഭവം..

മുംബൈയിൽ നിന്ന് കൊൽക്കത്തയിലേക്ക് പോവുകയായിരുന്ന 18029 എൽടിടി-ഷാലിമർ കുർള എക്‌സ്പ്രസ് ഇത്വാരി ലൈനിൽ നിന്ന് കലംന ലൈനിലേക്ക് കടന്നുപോകുമ്പോൾ നഗരത്തിലെ കലാംന ലൈനിൽവെച്ച് പാളം തെറ്റുകയായിരുന്നു. ആളപായമൊന്നും ഉണ്ടായിട്ടില്ലെന്ന് സൗത്ത് ഈസ്റ്റ് സെൻട്രൽ റെയിൽവേ സീനിയർ ഡിസിഎം ദിലീപ് സിംഗ് അറിയിച്ചു

അഞ്ച് മിനിറ്റിനുള്ളിൽ റെയിൽവേ സംഘങ്ങൾ സ്ഥലത്തെത്തി .അപകടസ്ഥലത്ത് ഉന്നത ഉദ്യോഗസ്ഥർ ഉണ്ടായിരുന്നുവെന്നും കോച്ചുകൾ പുനഃസ്ഥാപിക്കാനുള്ള ശ്രമങ്ങൾ നടന്നുകൊണ്ടിരിക്കുകയാണെന്നും ദിലീപ് സിംഗ് പറഞ്ഞു.