കനത്ത മഴ ; ബെംഗളൂരുവിൽ നിർമാണത്തിലിരിക്കുന്ന കെട്ടിടം തകർന്ന് 3 മരണം

ബെംഗളൂരു ; കനത്ത മഴയിൽ നിർമ്മാണത്തിലിരുന്ന കെട്ടിടം തകർന്ന് മൂന്ന് മരണം . ബാംഗ്ലൂരിൽ ഹെന്നൂരിനടുത്ത് ബാബുസാബല്യയിലാണ് സംഭവം. കെട്ടിടത്തിന്റെ അവശിഷ്ടങ്ങൾക്കിടയിൽ 16 ഓളം തൊഴിലാളികൾ കുടുങ്ങിക്കിടന്നുണ്ടെന്ന് പോലീസ് പറഞ്ഞു. രക്ഷാപ്രവർത്തകരെത്തി മൂന്ന് പേരെ പുറത്തെത്തിച്ചു .

അകത്ത് കൂടുതൽ തൊഴിലാളികളുണ്ടെന്ന് സ്ഥിരീകരിച്ചതോടെ രക്ഷാപ്രവർത്തനം ഊർജിതമാക്കി. തകർന്ന കെട്ടിടത്തിൽ നിന്ന് രക്തം വാർന്ന നിലയിൽ പുറത്തേയ്‌ക്ക് കൊണ്ട് വന്ന തൊഴിലാളികളിലൊരാളാണ് ഉള്ളിൽ 16 പേരോളം ഉണ്ടെന്ന് പറഞ്ഞത് .ഡിസിപി ദേവരാജിന്റെ നേതൃത്ത്വത്തിലുള്ള സംഘം സ്ഥലത്ത് ക്യാമ്പ് ചെയ്യുന്നുണ്ട്.