ജോ റൂട്ട്  ഇതിഹാസ താരങ്ങള്‍ക്കൊപ്പം

ദുബായ്: രാജ്യാന്തര ക്രിക്കറ്റ് കൗണ്‍സിലിന്റെ (ഐസിസി) ടെസ്റ്റ് റേറ്റിങ് പോയന്റില്‍ എക്കാലത്തെയും മികച്ച 20 ബാറ്റര്‍മാരുടെ പട്ടികയില്‍ ഇടംപിടിച്ച് ഇംഗ്ലീഷ് താരം ജോ റൂട്ട്. പാകിസ്ഥാനെതിരായ ടെസ്റ്റ് പരമ്പരയിലെ അത്യുജ്വല പ്രകടനത്തോടെ 932 റേറ്റിങ് പോയന്റുമായി കരിയറിലെ ഏറ്റവും ഉയര്‍ന്ന റേറ്റിങ് നേടിയ റൂട്ട് ലോക ക്രിക്കറ്റിലെ ഇതിഹാസ താരങ്ങള്‍ക്കൊപ്പമാണ് സ്ഥാനം ഉറപ്പിച്ചത്.

ആസ്ട്രേലിയന്‍ ഇതിഹാസ താരം ഡോണ്‍ ബ്രാഡ്മാന്‍ (961 പോയന്റ് ) ഒന്നാമനായ പട്ടികയില്‍ റൂട്ട് 17-ാം സ്ഥാനത്താണ് എത്തിയത്. 937 റേറ്റിങ് പോയന്റ് നേടിയിട്ടുള്ള ഇന്ത്യന്‍ സൂപ്പര്‍ താരം വിരാട് കോഹ്ലി പട്ടികയില്‍ 12-ാം സ്ഥാനത്താണ്.

ആസ്ട്രേലിയക്കാരനായ സ്റ്റീവ് സ്മിത്ത് (947), ഇംഗ്ലണ്ടിന്റെ ലെന്‍ ഹട്ടന്‍ (945), ആസ്ട്രേലിയന്‍ മുന്‍ ക്യാപ്റ്റന്‍ റിക്കി പോണ്ടിങ് (942), ഇംഗ്ലണ്ടുകാരായ ജാക്ക് ഹോബ്സ് (942), പീറ്റര്‍ മേയ് (941), വെസ്റ്റിന്‍ഡീസുകാരായ ഗാരി സോബോഴ്സ് (938), വിവ് റിച്ചാഡ്സ് (938), ക്ലൈഡ് വാല്‍കോട്ട് (938), ശ്രീലങ്കയുടെ കുമാര്‍ സങ്കക്കാര (938), ആസ്ട്രേലിയയുടെ മാര്‍നസ് ലബൂഷെയ്ന്‍ (937) എന്നിവരാണ് കോഹ്ലിക്ക് മുമ്പിലുള്ളത്.

ആദ്യ 20ല്‍പ്പെട്ടവരില്‍ കളി തുടരുന്നവര്‍ കോഹ്ലിയും സ്റ്റീവ് സ്മിത്തും മാര്‍നസ് ലാബുഷാഗ്നെയും മാത്രം.

26-ാം സ്ഥാനത്തുള്ള സുനില്‍ ഗവാസ്‌ക്കറാണ് കോഹ്ലിക്ക് പിന്നിലായി പട്ടികയിലുള്ളത്.  സച്ചിന്‍ ടെന്‍ഡുല്‍ക്കര്‍ 36-ാം സ്ഥാനത്താണ്.