തിരുവനന്തപുരം: ഈ വര്‍ഷത്തെ ശബരിമല തീര്‍ത്ഥാടനം അടുത്തിരിക്കെ ശബരിമലയിലെ പൊലീസ് ചീഫ് കോഓര്‍ഡിനേറ്റര്‍ എഡിജിപി അജിത് കുമാറിനെ മാറ്റി.പകരം പൊലീസ് ഹെഡ്ക്വാര്‍ട്ടേഴ്‌സിലെ എഡിജിപി എസ് ശ്രീജിത്തിന് ചുമതല നല്‍കി.
ഇത് സംബന്ധിച്ച സര്‍ക്കാര്‍ ഉത്തരവ് പുറത്തിറങ്ങി. ക്രമസമാധാന ചുമതലയുണ്ടായിരുന്ന അജിത് കുമാറിനായിരുന്നു ശബരിമല ചീഫ് കോഓര്‍ഡിനേറ്ററിന്റെ ചുമതലയും നേരത്തേ നല്‍കിയിരുന്നത്.
അജിത് കുമാറിനെ ക്രമസമാധാന ചുമതലയില്‍ നിന്ന് മാറ്റിയതിന് പിന്നാലെയാണിപ്പോള്‍ ശബരിമല കോഓര്‍ഡിനേറ്റര്‍ സ്ഥാനത്തുനിന്ന് കൂടി മാറ്റുന്നത്. തിരുവിതാംകൂര്‍ ദേവസ്വം ബോര്‍ഡ് അജിത്ത് കുമാറിനെ മാറ്റണമെന്നാവശ്യപ്പെട്ട് കത്ത് നല്‍കിയിരുന്നു.
പ്രതികരിക്കാൻ ഇവിടെ എഴുതുക: