തിരുവനന്തപുരം: 1928 ല്‍ സ്ഥാപിതമായ ശ്രീനാരായണ ധര്‍മസംഘം ട്രസ്റ്റിന്റെ 97 ാമത് വാര്‍ഷിക പൊതുയോഗം ശിവഗിരി മഠത്തില്‍ ചേര്‍ന്നു. 59 ട്രസ്റ്റംഗങ്ങളില്‍ 45 പേര്‍ പങ്കെടുത്തു. കണക്കുകളും ബാലന്‍സ്ഷീറ്റും ഓഡിറ്റ് റിപ്പോര്‍ട്ടും പ്രവര്‍ത്തന റിപ്പോര്‍ട്ടും ഏകകണ്‌ഠേന പാസാക്കി.
ലോക ശാന്തിക്കും സമാധാനത്തിനും ഗുരുദര്‍ശനത്തിന്റെ പ്രചരണവും സ്വാംശീകരണവും പ്രയോഗവത്കരണവും മാത്രമാണ് പ്രതീക്ഷയായിട്ടുള്ളതെന്നും അതിനായി ധര്‍മസംഘം പരമാവധി പ്രയത്‌നിക്കണമെന്നും യോഗം അഭിപ്രായപ്പെട്ടു. ഈ കാലയളവില്‍ സമാധി പ്രാപിച്ച ട്രസ്റ്റംഗങ്ങളായ സ്വാമി അസ്പര്‍ശാനന്ദ, സ്വാമി മഹേശ്വരാനന്ദ എന്നിവര്‍ക്ക് സ്മരണാഞ്ജലി അര്‍പ്പിച്ചുകൊണ്ടാണ് യോഗം ആരംഭിച്ചത്. ധര്‍മസംഘം ട്രസ്റ്റ് പ്രസിഡന്റ് സച്ചിദാനന്ദ സ്വാമിയുടെ അധ്യക്ഷതയില്‍ ചേര്‍ന്ന യോഗത്തില്‍ ജനറല്‍ സെക്രട്ടറി സ്വാമി ശുഭാംഗാനന്ദ പ്രവര്‍ത്തന റിപ്പോര്‍ട്ട് അവതരിപ്പിച്ചു. ട്രഷറര്‍ സ്വാമി ശാരദാനന്ദ കൃതജ്ഞത രേഖപ്പെടുത്തി.
പ്രതികരിക്കാൻ ഇവിടെ എഴുതുക: