തൊടുപുഴ: താന്‍ രാജിവച്ചതാണെന്നും പുറത്താക്കപ്പെട്ടതല്ലെന്നും ചൊക്രമുടി ഭൂമി കയ്യേറ്റത്തില്‍ സിപിഐ ജില്ലാ നേതൃത്വത്തിനെതിരെയും റവന്യൂ വകുപ്പിനെതിരെയും രൂക്ഷ വിമര്‍ശനം ഉയര്‍ത്തിയ സിപിഐ ജില്ലാ കൗണ്‍സില്‍ അംഗം വിനു സ്‌കറിയ. പാര്‍ട്ടി വിരുദ്ധ പ്രവര്‍ത്തനങ്ങളുടെ പേരില്‍ പ്രാഥമിക അംഗത്വത്തില്‍ നീക്കം ചെയ്തുവെന്നായിരുന്നു പാര്‍ട്ടിയുടെ അറിയിപ്പ്. എന്നാല്‍ രാവിലെ 9ന് സെക്രട്ടറിക്ക് രാജിക്കത്ത് അയച്ചിരുന്നുവെന്നും അതിനുശേഷം ഉച്ചയ്‌ക്കാണ് പാര്‍ട്ടി പുറത്താക്കിയ വാര്‍ത്താക്കുറിപ്പിറക്കിയതെന്നും വിനു വിശദീകരിക്കുന്നു. സിപിഐ ജില്ലാ നേതൃത്വത്തിനെതിരായ പരാതി അവസാനിച്ചിട്ടില്ലെന്നും ഹൈക്കോടതിയെ സമീപിക്കുമെന്നും വിനൂ സ്‌കറിയ അറിയിച്ചു. ജില്ലയിലെ കയ്യേറ്റങ്ങളില്‍ നിലവിലെ നേതൃത്വത്തിന് പങ്കുണ്ടെന്നും ചൂണ്ടിക്കാട്ടി സിപിഐ സംസ്ഥാന സെക്രട്ടറിക്ക് വിനു പരാതി നല്‍കുകയും ചെയ്തിരുന്നു.
പ്രതികരിക്കാൻ ഇവിടെ എഴുതുക: