ഇസ്ലാമാബാദ് : ഒരു മുസ്ലീം പുരുഷന് ഒരിക്കലും കുട്ടികളോട് ലൈംഗികാതിക്രമം നടത്താൻ കഴിയില്ലെന്ന് വിവാദ മതപ്രഭാഷകൻ സക്കീർ നായിക്. കഴിഞ്ഞ ദിവസം കറാച്ചിയിൽ സംഘടിപ്പിച്ച പരിപാടിയിൽ പങ്കെടുക്കാൻ സക്കീർ നായിക് എത്തിയിരുന്നു . ഈ സമയത്ത് ഒരു പെൺകുട്ടി ഉന്നയിച്ച ചോദ്യത്തിന് ഉത്തരം പറയവേയാണ് മുസ്ലീമാണെങ്കിൽ അയാൾക്ക് ഒരിക്കലും ആരെയും പീഡിപ്പിക്കാൻ കഴിയില്ലെന്ന് പറഞ്ഞത് .
ഖൈബർ പഖ്തൂൺഖ്വയിൽ നിന്നുള്ള ഒരു പെൺകുട്ടിയാണ് സക്കീർ നായിക്കിനോട് ചോദ്യങ്ങൾ ഉന്നയിച്ചത് . പെൺകുട്ടിയോട് ഉത്തരം പറയുന്നതിന് പകരം സക്കീർ നായിക് ദേഷ്യപ്പെടുകയായിരുന്നു . സംഭവത്തിന്റെ ദൃശ്യങ്ങളും ഇപ്പോൾ വൈറലാണ്.
താൻ താമസിക്കുന്ന സ്ഥലം വളരെ ഇസ്ലാമിസ്റ്റുകളുടെ ഏരിയയാണെന്നും , ഇസ്ലാമിക നിയമങ്ങൾ അനുസരിച്ച് ജീവിക്കുന്നുവെന്നും യുവതി പറയുന്നു. അതുപോലെ തന്നെ പുരുഷന്മാരും, വെള്ളിയാഴ്ചകളിൽ എല്ലാവരും മതപ്രഭാഷണങ്ങൾ കേൾക്കുന്നു. ഇതൊക്കെയാണെങ്കിലും, മയക്കുമരുന്ന് അടിമത്തവും കുട്ടികളെ ലൈംഗികമായി ദുരുപയോഗം ചെയ്യുന്നതും വ്യഭിചാരവും അവിടെ വർദ്ധിച്ചു. എല്ലാം അറിഞ്ഞിട്ടും ഒരു ഉലമയും ഈ വിഷയത്തിൽ ഒന്നും പറയാത്തത് എന്തുകൊണ്ടെന്ന് പെൺകുട്ടി ചോദിക്കുന്നു. എന്തുകൊണ്ടാണ് നമ്മുടെ സമൂഹം ഇപ്പോഴും അധഃപതിക്കുന്നത് എന്നും പെൺകുട്ടി ചോദിച്ചു.
ഈ ചോദ്യം കേട്ട് സാക്കിർ നായിക് ആദ്യം പെൺകുട്ടിയുടെ ചോദ്യം ശരിയല്ലെന്ന് പറഞ്ഞ് പരിഹസിക്കുന്നുണ്ട്. കുട്ടികളെ ലൈംഗികമായി ചൂഷണം ചെയ്യുന്നത് ഇസ്ലാമികമായ ഒരു സമൂഹത്തിൽ സംഭവിക്കില്ലയെന്നും സക്കിർ പറയുന്നു. ‘ ഒരു ഇസ്ലാമിക അന്തരീക്ഷത്തിൽ കുട്ടികളെ ലൈംഗികമായി ദുരുപയോഗം ചെയ്യാൻ കഴിയില്ല. പീഡോഫീലിയ (കുട്ടികളുമായുള്ള ലൈംഗികത) ഇസ്‌ലാമിൽ തെറ്റായി കണക്കാക്കപ്പെടുന്നു. അതിനാൽ, ആരെങ്കിലും മുസ്ലീമാണെങ്കിൽ അയാൾക്ക് പീഡോഫീലിയ ചെയ്യാൻ കഴിയില്ല, അങ്ങനെ ചെയ്താൽ അയാൾക്ക് മുസ്ലീമാകാൻ കഴിയില്ല. നിങ്ങളുടെ ചോദ്യം തെറ്റാണ്….” സക്കീർ പറയുന്നു.
പ്രതികരിക്കാൻ ഇവിടെ എഴുതുക: