ഭഗത് സിംഗിന് ആദരമർപ്പിച്ച് നരേന്ദ്ര മോദി ; ഭഗത് സിംഗ് രാജ്യത്തിന്റെ ആത്മാഭിമാനം സംരക്ഷിച്ച ധീര സ്വാതന്ത്ര്യ സമര സേനാനിയെന്ന് പ്രധാനമന്ത്രി

ന്യൂദൽഹി: സ്വാതന്ത്ര്യ സമര സേനാനി ഭഗത് സിംഗിന്റെ ജന്മവാർഷികത്തിൽ പ്രധാനമന്ത്രി നരേന്ദ്ര മോദി ആദരാഞ്ജലികൾ അർപ്പിച്ചു. തന്റെ എക്സ് അക്കൗണ്ടിലൂടെയാണ് അദ്ദേഹം ധീര രാജ്യസ്നേഹിയെ അനുസ്മരിച്ചത്.

മാതൃരാജ്യത്തിന്റെ ആത്മാഭിമാനം സംരക്ഷിക്കാൻ ഭഗത് സിംഗ് തന്റെ ജീവൻ ബലിയർപ്പിച്ചുവെന്ന് അദ്ദേഹം എക്സിൽ കുറിച്ചു.

1907ൽ ഇന്നേ ദിവസം ജനിച്ച ഭഗത് സിംഗിനെ വിപ്ലവ പ്രവർത്തനങ്ങളിൽ ഏർപ്പെട്ടതിന് 23-ാം വയസ്സിലാണ് ബ്രിട്ടീഷുകാർ തൂക്കിലേറ്റിയത്. കൊളോണിയൽ ഭരണത്തിനെതിരായ ചെറുത്തുനിൽപ്പിന്റെ പ്രതീകമായിട്ടാണ് രാജ്യം അദ്ദേഹത്തെ കാണുന്നത്.