കോട്ടയം: ഫൗള്‍ കാട്ടിയതിന് മകനെ കളിയില്‍ നിന്ന് പുറത്താക്കിയതില്‍ പ്രതിഷേധിച്ച് വടിവാളുമായി എത്തി കുട്ടികളെ ഭീഷണിപ്പെടുത്തിയ പിതാവിനെ അറസ്റ്റു ചെയ്തു. മൂവാറ്റുപുഴ പ്ലാമൂട്ടില്‍ ഹാരിസ് അമീറിനെയാണ് (40) പോലീസ് അറസ്റ്റ് ചെയ്തത്. മാറാടിയില്‍ കുട്ടികള്‍ ഉള്‍പ്പെടെ പങ്കെടുത്ത ഫുട്‌ബോള്‍ മത്സരത്തിനിടയാണ് സംഭവം. മൂവാറ്റുപുഴയിലെ മുതിര്‍ന്ന മുസ്ലീം ലീഗ് നേതാവിന്റെ മകനാണ് അറസ്റ്റിലായ ഹാരിസ്. കളിക്കിടയില്‍ ഫൗളിനെ തുടര്‍ന്ന് റഫറി ഹാരിസിന്‌റെ മകനെ പുറത്താക്കിയിരുന്നു. ഇതേ ചൊല്ലി കളിക്കാര്‍ തമ്മില്‍ കയ്യാങ്കളിയുണ്ടായി. ഇതറിഞ്ഞ് എത്തിയതായിരുന്നു ഹാരിസ്. വടിവാള്‍ വീശി മറ്റ് കളിക്കാരെ ഭീഷണിപ്പെടുത്തുകയും ഭീകരാന്തരീക്ഷം സൃഷ്ടിക്കുകയും ചെയ്തുവെന്നാരോപിച്ച് മറ്റു കുട്ടികള്‍ നല്‍കിയ പരാതിയിലാണ് പോലീസ് ഹാരിസിനെതിരെ കേസെടുത്തത്.
Sunday, November 24, 2024
ഫുട്‌ബോള്‍ മത്സരത്തിനിടെ മകനെ പുറത്താക്കിയതില്‍ പ്രതിഷേധിച്ച് വടിവാള്‍ ഭീഷണി : ഹാരിസ് അമീര്‍ അറസ്റ്റില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: