കൊൽക്കത്ത: ആർജി കർ മെഡിക്കൽ കോളജ് ആശുപത്രിയിലെ യുവ ഡോക്ടറെ ബലാത്സംഗം ചെയ്ത് കൊലപ്പെടുത്തിയ സംഭവത്തിൽ തൃണമൂൽ കോൺഗ്രസ് എംഎൽഎ ഡോ. സുദീപ്തോ റോയിയെ സിബിഐ വ്യാഴാഴ്ച ചോദ്യം ചെയ്തു. വടക്കൻ കൊൽക്കത്തയിലെ സിതിയിലെ അദ്ദേഹത്തിന്റെ വസതിയിൽ എത്തിയാണ് ചോദ്യം ചെയ്തത്.
ശ്രീരാംപൂരിൽ നിന്നുള്ള എംഎൽഎ റോയിയുടെ നഴ്‌സിംഗ് ഹോമിലും കേന്ദ്ര അന്വേഷണ ഏജൻസിയുടെ ഉദ്യോഗസ്ഥർ തിരച്ചിൽ നടത്തിയിരുന്നതായി ഒരു ഉദ്യോഗസ്ഥൻ പറഞ്ഞു. ഡോക്ടറുടെ മരണവാർത്ത പരന്നതിന് തൊട്ടുപിന്നാലെ അദ്ദേഹം ആശുപത്രിയിൽ ഉണ്ടായിരുന്നു. കേസിനെക്കുറിച്ച് അറിയാവുന്ന കാര്യങ്ങളെക്കുറിച്ച് അദ്ദേഹത്തെ ചോദ്യം ചെയ്തതായി സിബിഐ ഉദ്യോഗസ്ഥൻ പറഞ്ഞു.
ആഗസ്റ്റ് 9 നാണ് പോസ്റ്റ് ഗ്രാജ്വേറ്റ് ട്രെയിനിയുടെ മൃതദേഹം മുറിവുകളോടെ മെഡിക്കൽ കോളേജ് ആശുപത്രിയിൽ കണ്ടെത്തിയത്. അടുത്ത ദിവസം കൊൽക്കത്ത പോലീസിലെ ഒരു സിവിക് വോളൻ്റിയറെ അറസ്റ്റ് ചെയ്തിരുന്നു.
തുടർന്ന് കൽക്കട്ട ഹൈക്കോടതിയുടെ നിർദ്ദേശപ്രകാരം സിബിഐ കേസ് അന്വേഷണം ഏറ്റെടുത്തു. അതേ സമയം രോഗി കല്യാൺ സമിതിയുടെ ചെയർപേഴ്‌സൺ കൂടിയാണ് റോയ്.
പ്രതികരിക്കാൻ ഇവിടെ എഴുതുക: