ഏറെ ആരാധകരുള്ള നടിയാണ് തമന്ന ഭാട്ടിയ. തെന്നിന്ത്യയില്‍ നിന്ന് ബോളിവുഡിലെത്തിയ തമന്ന അവിടേയും തന്റേതായ മേല്‍വിലാസമുണ്ടാക്കി. ഫാഷന്‍ ഫോട്ടോഷൂട്ടുകളിലും തമന്നയുടെ സൗന്ദര്യവും സ്‌റ്റൈലും ആരാധകരുടെ മനം കവരാറുണ്ട്. പക്ഷെ ഇത്തവണം പാളി.
തമന്ന ഭാട്ടിയ അടുത്തിടെ ഡിസൈനർ കരൺ ടൊറാണിയുടെ ഡിസൈനില്‍ പുരാണ കഥാപാത്രമായ രാധയുടെ കണ്‍സെപ്റ്റില്‍ ഒരു ഫോട്ടോഷൂട്ട് നടത്തിയിരുന്നു. എന്നാല് സോഷ്യല്‍ മീഡിയയില്‍ ഒരു വിഭാഗം ശക്തമായി ഇതിനെതിരെ രംഗത്ത് എത്തിയിരുന്നു. സൈബര്‍ വിമര്‍ശനം ശക്തമായതോടെ തമന്നയും ടൊറാണിയും അവരുടെ ഇൻസ്റ്റാഗ്രാം ഹാൻഡിലുകളിൽ നിന്ന് ഫോട്ടോഷൂട്ട് ഡിലീറ്റ് ചെയ്തിരിക്കുകയാണ്.
ടൊറാണിയുടെ ഡിജിറ്റൽ കാമ്പെയ്‌നായ ലീല: ദ ഇല്യൂഷൻ ഓഫ് ലൗവിന് വേണ്ടിയാണ് തമന്ന രാധയായി പോസ് ചെയ്തത്.
കൃഷ്ണന്‍ രാധ ബന്ധത്തെ ലൈംഗികമായ കണ്ണിലൂടെ കണ്ടു എന്ന ആരോപണമാണ് ഈ ഫോട്ടോഷൂട്ടിനെതിരെ പ്രധാനമായും ഉയര്‍ന്നത്. തമന്ന ഹൈന്ദവ വികാരത്തെ വൃണപ്പെടുത്തിയെന്ന് ഏറെ കമന്‍റുകള്‍ വന്നു. ‘നിങ്ങളുടെ വിൽപ്പനയ്‌ക്കായി ഞങ്ങളുടെ പ്രിയപ്പെട്ട രാധാ റാണിയുടെയും ശ്രീകൃഷ്ണന്റെയും ഏറ്റവും ശുദ്ധമായ ബന്ധം ലൈംഗികവൽക്കരിക്കുന്നത് നിർത്തുക’ എന്നാണ് അതില്‍ വന്ന ഒരു കമന്‍റ്. ഇത്തരത്തില്‍ നിരവധി കമന്‍റുകള്‍ നിറഞ്ഞതോടെയാണ് ഈ പോസ്റ്റ് തമന്നയും ഡിസൈനറും പിന്‍വലിച്ചത്.
പ്രതികരിക്കാൻ ഇവിടെ എഴുതുക: