സബർമതി എക്സ്പ്രസ് പാളം തെറ്റി; അട്ടിമറിയെന്ന് സംശയം

ലക്നൗ ; ഉത്തർപ്രദേശിലെ കാൺപുരിന് സമീപം സബർമതി എക്സ്പ്രസ് പാളം തെറ്റി. റെയിൽവേ സ്റ്റേഷനു സമീപം പുലർച്ചയോടെയാണ് സംഭവം. ആളപായമില്ലെങ്കിലും റെയിൽ ഗതാഗതം തടസപ്പെട്ടു. ട്രെയിൻ പാളം തെറ്റിയതിൽ അട്ടിമറിയുണ്ടെന്നാണ് റെയിൽവേയുടെ സംശയം. ട്രാക്കിൽ വച്ച വലിയൊരു വസ്തു തട്ടിയാണ് 20 ബോഗികൾ പാളം തെറ്റിയത് എന്നാണ് നിഗമനം. സംഭവത്തിൽ ഐബിയും യുപി പൊലീസും റെയിൽവേയും അന്വേഷണം നടത്തുമെന്ന് കേന്ദ്ര റെയിൽവേ മന്ത്രി അശ്വിനി വൈഷ്ണവ് പറഞ്ഞു.