ചെന്നൈ : കടക്കാരിൽ നിന്ന് രക്ഷപെടാനായി ഏഴു വയസുകാരി മകളെ കിണറ്റിലെറിഞ്ഞ് കൊലപ്പെടുത്തി അമ്മ . തമിഴ്നാട്ടിലെ കല്ലുറിച്ചി ശങ്കരപുരത്തിനടുത്തുള്ള ഭൂതായി ഗ്രാമവാസി പ്രകാശിന്റെ മകളാണ് കൊല്ലപ്പെട്ടത് . സംഭവവുമായി ബന്ധപ്പെറ്റ് കുട്ടിയുടെ അമ്മ സത്യ(30) നെ പൊലീസ് കസ്റ്റഡിയിലെടുത്തു.
ഇന്നലെ രാവിലെ വീടിനു സമീപം കളിക്കുകയായിരുന്ന കുട്ടിയെ പൊടുന്നനെയാണ് കാണാതായത് . തുടർന്ന് പിതാവ് ഏഴുവയസ്സുകാരി. ശങ്കരപുരം പൊലീസ് സ്റ്റേഷനിൽ പരാതി നൽകി. പൊലീസ് അന്വേഷണത്തിനിടെ സിസിടിവി ക്യാമറകൾ പരിശോധിച്ചപ്പോൾ പെൺകുട്ടിയെ അമ്മ സത്യ കൂട്ടിക്കൊണ്ടുപോയതായി വ്യക്തമായി.
ചോദ്യം ചെയ്യാൻ പൊലീസ് തീരുമാനിച്ചതോടെ സത്യ ഒളിവിൽ പോയി. ഇതിനിടെ ഇന്നലെ വൈകിട്ട് വീടിന് സമീപത്തെ കിണറ്റിൽ നിന്ന് കുട്ടിയുടെ മൃതദേഹം കണ്ടെത്തി. ഇതിന് പിന്നാലെ സത്യ പോലീസ് സ്‌റ്റേഷനിലെത്തി കീഴടങ്ങുകയും കുറ്റസമ്മതം നടത്തുകയുമായിരുന്നു . ഇതനുസരിച്ച് 1.40 ലക്ഷം രൂപ പലിശയ്‌ക്ക് വാങ്ങി സത്യ കുടുംബ ചെലവുകൾ നടത്തിവരികയായിരുന്നു.
പലിശയടക്കാൻ കഴിയാതെ വന്നതോടെ കടം വീട്ടാൻ ബന്ധുക്കളോട് പണം ചോദിച്ചെങ്കിലും അവരും നൽകിയില്ല. പണം നൽകിയവരാകട്ടെ വീട്ടിൽ വന്ന് വഴക്കുമുണ്ടാക്കി . ഇതേതുടർന്നാണ് വീട്ടിൽ ആരെങ്കിലും മരണപ്പെട്ടാൽ സഹതാപം ഉണ്ടാകുമെന്നും , പണം ആവശ്യപ്പെടില്ലെന്നും കരുതി കൊല നടത്താൻ തീരുമാനിച്ചതെന്ന് സത്യ പറഞ്ഞു . ഇതിനായാണ് മകളെ കിണറ്റിൽ തള്ളിയിട്ട് കൊലപ്പെടുത്തിയെന്നും സത്യ പറഞ്ഞു.
പ്രതികരിക്കാൻ ഇവിടെ എഴുതുക: