തിരുവനന്തപുരം: ഭക്തിഗാനങ്ങളുടെ സംഗീത സംവിധാനത്തിലൂടെ ശ്രദ്ധേയനായ സംഗീതജ്ഞനാണ് ടി.എസ്. രാധാകൃഷ്ണന്. എറണാകുളം ശിവക്ഷേത്ര ഊട്ടുപുര ഭജനസംഘത്തില്‍ പാടിയാണ് സംഗീത സഞ്ചാരത്തിന്റെ തുടക്കം. 1971ല്‍ യേശുദാസിന്റെ സംഗീത യാത്രയുടെ 10-ാം വാര്‍ഷികാഘോഷ ഭാഗമായുള്ള മത്സരത്തില്‍ കര്‍ണാടക സംഗീതത്തില്‍ ഒന്നാം സ്ഥാനം നേടി. യേശുദാസ് തന്നെയായിരുന്നു വിധി കര്‍ത്താവ്. 200 ആല്‍ബങ്ങള്‍ക്കു സംഗീതം നല്കിയിട്ടുണ്ട്.
യേശുദാസ്, പി. ജയചന്ദ്രന്‍, കെ.എസ്. ചിത്ര, സുജാത മോഹന്‍, ഉണ്ണിമേനോന്‍ തുടങ്ങി മിക്ക ഗായകരും ഇദ്ദേഹത്തിന്റെ സംഗീത സംവിധാനത്തില്‍ പാടി. എസ്. രമേശന്‍ നായരുടെ സുന്ദരമായ ഒട്ടേറെ രചനകള്‍ക്കു ഭാവസാന്ദ്രമായ സംഗീതമേകി. യേശുദാസിന് ഏറ്റവും കൂടുതല്‍ അയ്യപ്പഭക്തി ഗാനങ്ങളൊരുക്കിയതും രാധാകൃഷ്ണനാണ്. ശ്രീവാഴും പഴവങ്ങാടിയിലെ, ഒരു നേരമെങ്കിലും, നീലപ്പീലിക്കാവടിയേന്തി, വടക്കുംനാഥാ സര്‍വം, ഒരു യുഗം തൊഴുതാലും, പ്രസിദ്ധ ആല്‍ബങ്ങളിലെ പമ്പാ ഗണപതി, തിരുവാറന്മുള കൃഷ്ണാ, വടക്കുംനാഥാ, അമ്പലപ്പുഴയിലെന്‍, നൃത്തമാടൂ കൃഷ്ണാ തുടങ്ങിയ നിരവധി ഹിറ്റ് ഗാനങ്ങളൊരുക്കി.
പ്രതികരിക്കാൻ ഇവിടെ എഴുതുക: