കൊച്ചി: നെടുമ്പാശേരിയില്‍ സ്വകാര്യ ഹോട്ടലില്‍ ഡിജെ പാര്‍ട്ടിക്കായി മയക്കുമരുന്നെത്തിച്ച വനിതയുള്‍പ്പെടെ മൂന്നു പേര്‍ അറസ്റ്റില്‍. എക്‌സൈസ് റെയ്ഡിലാണ് ലഹരി കണ്ടെത്തിയത്. എംഡിഎംഎയും ഹാഷിഷും ഉള്‍പ്പെടെയുള മയക്കുമരുന്നുകളാണ് ഇവരില്‍ നിന്ന് പിടികൂടിയത്
കൊല്ലം സ്വദേശിനി സുജിമോള്‍, കലൂര്‍ സ്വദേശി ജിനദേവ്, പള്ളുരുത്തി സ്വദേശികളായ ഹയാസ്, അരുണ്‍ എന്നിവരാണ് എക്‌സൈസ് ജില്ലാ സ്‌പെഷ്യല്‍ സ്‌ക്വാഡിന്റെ പിടിയിലായത്. ഞായറാഴ്ച രാവിലെ പത്തു മണി മുതലായിരുന്നു സ്വകാര്യ ഹോട്ടലില്‍ ഹാള്‍ വാടകയ്‌ക്കെടുത്തുളള ഡിജെ പാര്‍ട്ടി. നേരത്തേ വിവരം കിട്ടിയത് പ്രകാരം എക്‌സൈസ് സംഘം ഹോട്ടല്‍ പരിസരത്ത് നിലയുറപ്പിച്ചിരുന്നു.
ഡിജെ പാര്‍ട്ടിയില്‍ പങ്കെടുക്കുന്നവര്‍ക്ക് വേണ്ടി കാറില്‍ ലഹരി മരുന്ന് കൊണ്ടു വന്നപ്പോഴാണ് സംഘത്തെ എക്‌സൈസ് പിടികൂടിയത്. ഡിജെ പാര്‍ട്ടിയില്‍ നിന്ന് സംശയം തോന്നിയ അഞ്ചു പേരെ കസ്റ്റഡിയില്‍ എടുത്തിരുന്നെങ്കിലും ഇവരില്‍ നിന്ന് ലഹരി മരുന്ന് കണ്ടെത്തിയില്ല.
പ്രതികരിക്കാൻ ഇവിടെ എഴുതുക: