നേപ്പാളിൽ വിമാനം തകന്നുവീണു; 18 യാത്രക്കാരുടെ മൃതദേഹങ്ങൾ കണ്ടെത്തി, അപകടം ത്രിഭുവൻ അന്താരാഷ്‌ട്ര വിമാനത്താവളത്തിൽനിന്ന് പറന്നുയരുന്നതിനിടെ

കാഠ്മണ്ഡു: നേപ്പാളിൽ വിമാനാപകടം. 18 യാത്രക്കാരുടെ മൃതദേഹങ്ങൾ കണ്ടെത്തി. പൊഖാറയിലേക്ക് പുറപ്പെട്ട ശൗര്യ എയർലൈൻസ് വിമാനമാണ് തകർന്നു വീണത്. പൈലറ്റ് ഗുരുതരാവസ്ഥയിലാണെന്ന് നേപ്പാളി മാധ്യങ്ങൾ റിപ്പോർട്ടുചെയ്തു

കാഠ്മണ്ഡുവിലെ ത്രിഭുവൻ അന്താരാഷ്‌ട്ര വിമാനത്താവളത്തിൽനിന്ന് പറന്നുയരുന്നതിനിടെ വിമാനം തകർന്നുവിഴുകയായിരുന്നു. വിമാനത്തിന്റെ അവശിഷ്ടങ്ങൾ ചിതറിക്കിടക്കുന്ന ചിത്രങ്ങളും വീഡിയോകളും മാധ്യങ്ങൾ പുറത്തുവിട്ടിട്ടുണ്ട്.

വിമാനത്തിൽ ജോലിക്കാർ ഉൾപ്പടെ 19 പേർ ഉണ്ടായിരുന്നുവെന്നാണ് വിവരം.  റൺവേയിൽ നിന്നും തെന്നിമാറിയാണ് വിമാനം അപകത്തിൽപ്പെട്ടത്. ബുധനാഴ്ച 11 മണിയോടെയാണ് അപകടമുണ്ടായത്. വിമാനത്തിന് തീ പിടിച്ചെങ്കിലും ഉടൻ തന്നെ നിയന്ത്രണ വിധേയമാക്കി മാറ്റി.