ലണ്ടന്‍: വിംബിള്‍ഡനില്‍ സ്പാനിഷ് യുവതാരം കാര്‍ലോസ് അല്‍കാരസ് വീണ്ടും കിരീടമുയര്‍ത്തി.നേരിട്ടുള്ള സെറ്റുകള്‍ക്കാണ് സൂപ്പര്‍ താരം നൊവാക് ജോക്കോവിച്ചിനെ വീഴ്‌ത്തിയത്. സ്‌കോര്‍: 6-2 6-2 7-6 (74).
ഫൈനല്‍ പോരാട്ടത്തിലെ ആദ്യ രണ്ടു സെറ്റുകളിലും സ്പാനിഷ് താരത്തിനു കാര്യമായ ഭീഷണി ഉയര്‍ത്താന്‍ പോലും ജോക്കോയ്‌ക്കു സാധിച്ചില്ല.അനായാസം ആദ്യ രണ്ടു സെറ്റുകള്‍ സ്വന്തമാക്കിയ അല്‍കാരസ് മൂന്നാം സെറ്റിലാണ് കുറച്ച് സമ്മര്‍ദത്തിലായത്.
മൂന്നാം സെറ്റില്‍ ടൈബ്രേക്കറിലാണ് അല്‍കാരസ് ജയിച്ചത്. ജോക്കോവിച്ച് പരമാവധി പൊരുതിനോക്കിയെങ്കിലും ഫലമുണ്ടായില്ല.
ഇന്ന് ജയിച്ചിരുന്നെങ്കില്‍ 25 ഗ്രാന്‍സ്ലാം സിംഗിള്‍സ് കിരീടങ്ങള്‍ നേടുന്ന ആദ്യ ടെന്നിസ് താരമെന്ന റെക്കോര്‍ഡിനുടയാകുമായിരുന്നു ജോക്കോവിച്ച്. ഓസ്‌ട്രേലിയന്‍ മുന്‍ വനിതാ താരം മാര്‍ഗരറ്റ് കോര്‍ട്ടിനും ജോക്കോവിച്ചിനും നിലവില്‍ 24 ട്രോഫികള്‍ വീതമാണുള്ളത്.
പ്രതികരിക്കാൻ ഇവിടെ എഴുതുക: