7581 കോടിയുടെ 2000 രൂപ നോട്ടുകള്‍ ഇനിയും തിരിച്ചെത്തിയിട്ടില്ലെന്ന് റിസര്‍വ് ബാങ്ക്

മുംബൈ: 7581 കോടി രൂപ മൂല്യമുള്ള 2000 രൂപ നോട്ടുകള്‍ കൂടി ഇനിയും തിരിച്ചെത്താനുണ്ടെന്ന് റിസര്‍വ് ബാങ്ക് അറിയിച്ചു. നോട്ടു നിരോധനത്തിനു ശേഷം 2000 രൂപയുടെ 97.87% നോട്ടുകളാണ് ഇതുവരെ തിരിച്ചെത്തിയത്. ജൂണ്‍ 28 വരെയുള്ള കണക്കാണിത്. 3.56 ലക്ഷം കോടി രൂപയുടെ നോട്ടുകളാണ് നിരോധന സമയത്ത് പ്രചാരത്തില്‍ ഉണ്ടായിരുന്നത്. ഇനിയും 2000 രൂപയുടെ നോട്ടുകള്‍ കൈവശമുള്ളവര്‍ക്ക് ആര്‍ബിഐയുടെ രാജ്യത്തെ 19 ഇഷ്യൂ ഓഫീസുകളില്‍ നിന്ന് മാറിയെടുക്കാവുന്നതാണ് അധികൃതര്‍ വ്യക്തമാക്കി.