ഓസ്ലോ: നോര്‍വ്വെ ചെസ്സില്‍ പ്രജ്ഞാനന്ദയുടെ സഹോദരി വൈശാലിക്ക് നാലാം സ്ഥാനം മാത്രം. ആദ്യ റൗണ്ടുകളില്‍ ഒന്നാം സ്ഥാനത്ത് നിന്നിരുന്ന വൈശാലി പിന്നീട് തുടര്‍ച്ചയായി ഏറ്റുവാങ്ങിയ തോല്‍വികളില്‍ പിന്തള്ളപ്പെടുകയായിരുന്നു.
ഈ ടൂര്‍ണ്ണമെന്‍റില്‍ താരതമ്യേന ദുര്‍ബ്ബലയായ പിയ ക്രാംലിങ്ങുമായിപ്പോലും വൈശാലി അവസാനത്തെ പത്താം റൗണ്ടില്‍ തോല്‍വി ഏറ്റുവാങ്ങി. ആര്‍മഗെഡ്ഡോണിലായിരുന്നു തോല്‍വി. 12.5 പോയിന്‍റോടെയാണ് വൈശാലി നാലാം സ്ഥാനം നേടിയത്. തീര്‍ത്തും മോശം ഫോമിലായ ഇന്ത്യയുടെ തന്നെ കൊനേരു ഹംപി 10 പോയിന്‍റോടെ അഞ്ചാം സ്ഥാനത്തായി.
അവസാന റൗണ്ടുകളില്‍ തുടര്‍ച്ചയായ ജയങ്ങളിലൂടെ വന്‍കുതിപ്പു നടത്തിയ ചൈനയുടെ വെന്‍ജുന്‍ ജു 19 പോയിന്‍റോടെ ചാമ്പ്യനായി. ഉക്രൈന്റെ അന്ന മ്യൂസിചുക് 16 പോയിന്‍റോടെ രണ്ടാം സ്ഥാനത്തായി. ചൈനയുടെ തന്നെ ലെയ് ടിങ് ജീ 14.5 പോയിന്‍റോടെ മൂന്നാം സ്ഥാനം നേടി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: