പാറശ്ശാല: തോക്കും ഗ്രനേഡുകളും ഉപയോഗിക്കാന്‍ സംസ്ഥാനത്തെ തീരദേശ പോലീസ് സ്‌റ്റേഷനിലെ ഉദ്യോഗസ്ഥര്‍ക്ക് നിര്‍ബന്ധിത പരിശീലനം നല്‍കുന്നു. തെക്കേയറ്റത്ത് പൂവാര്‍ മുതല്‍ കാസര്‍കോട് വരെയുള്ള 18 തീരദേശ പോലീസ് സ്‌റ്റേഷനിലെ സിപിഒ മുതല്‍ എസ്എച്ച്ഒ വരെയുള്ള അറുന്നൂറോളം പേര്‍ക്ക് ജൂണ്‍ ആദ്യം പരിശീലനം നല്‍കും കടല്‍ത്തീരത്തുനിന്ന് 12 നോട്ടിക്കല്‍ മൈല്‍ വരെയാണ് തീരദേശ പോലീസിന്റെ നിയന്ത്രണ മേഖല.
കടലില്‍ രക്ഷാപ്രവര്‍ത്തനം, മത്സ്യത്തൊഴിലാളികള്‍ തമ്മിലുണ്ടാകുന്ന സംഘര്‍ഷങ്ങള്‍ നിയന്ത്രിക്കുക, കടലിലെ രക്ഷാപ്രവര്‍ത്തനം, നിയമം ലംഘിച്ച് മീന്‍പിടിത്തം കണ്ടെത്തുക എന്നിവയാണ് തീരദേശ പോലീസ് ചെയ്യുന്നത്. തീരദേശ മേഖലയുള്‍പ്പെട്ട സ്ഥലങ്ങളില്‍ നിയന്ത്രണാതീതമായ അക്രമസംഭവങ്ങളുണ്ടായാല്‍ നേരിടുന്നതിന് ലോക്കല്‍ പോലീസിനൊപ്പം കോസ്റ്റല്‍ പോലീസിന്റെയും സേവനം ആവശ്യമാണ്.
ഇത്തരം സാഹചര്യങ്ങളില്‍ ലോക്കല്‍ പോലീസിനൊപ്പം തോക്കുകളും ഗ്രനേഡുകളും ഉപയോഗിക്കേണ്ടിവരും. കാലങ്ങളായി തീരദേശ പോലീസില്‍ ജോലിചെയ്യുന്നവര്‍ക്ക് ഇവ ഉപയോഗിക്കുന്നതില്‍ പരിചയക്കുറവുള്ളത് പരിഹരിക്കാനാണ് പുതിയ പരിശീലനം.
പ്രതികരിക്കാൻ ഇവിടെ എഴുതുക: