നോം പെന്‍: കമ്പോഡിയയില്‍ തൊഴില്‍ തട്ടിപ്പിനിരയായ 60 പേര്‍ ഭാരതത്തിലേക്ക് മടങ്ങിയതായി ഭാരത എംബസി അറിയിച്ചു. കമ്പോഡിയന്‍ അധികൃതരുമായി ചേര്‍ന്ന് നടത്തിയ ഓപ്പറേഷനിലാണ് ഇവരെ രക്ഷിച്ചത്. മെയ് 20ന് ജിന്‍ബെയ്-4 എന്ന സ്ഥലത്ത് നിന്ന് രക്ഷപ്പെടുത്തിയവരെയാണ് നാട്ടിലെത്തിച്ചത്.
വിദേശത്തുള്ള ഭാരതീയരെ സഹായിക്കാന്‍ പ്രതിജ്ഞബദ്ധമാണെന്നും സഹായിച്ച കമ്പോഡിയന്‍ അധികാരികള്‍ക്ക് നന്ദി അറിയിക്കുന്നതായും എംബസി എക്സില്‍ കുറിച്ചു. പ്രതിസന്ധി നേരിടുന്ന, ഭാരതത്തിലേക്ക് മടങ്ങാന്‍ ആഗ്രഹിക്കുന്ന പൗരന്മാര്‍ എംബസിയുമായി ബന്ധപ്പെടണമെന്നും എംബസി അഭ്യര്‍ഥിച്ചു. ഇതിനായി കമ്പോഡിയന്‍ തലസ്ഥാനത്ത് താത്കാലിക കണ്‍ട്രോള്‍ റൂം ആരംഭിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: