മദ്രാസ് ഐഐടിയില്‍ സംഗീതപഠനത്തിനും ഗവേഷണത്തിനും ഇളയരാജ സെന്‍റര്‍ വരുന്നു;
കഴിഞ്ഞ ദിവസം മദ്രാസ് ഐഐടിയില്‍ സ്പിക് മാകെ സംഘടിപ്പിച്ച സംഗീതപരിപാടിയില്‍ ഇളയരാജ തന്നെയാണ് തന്റെ പേരിലുള്ള കേന്ദ്രത്തിന്റെ തറക്കല്ലിട്ടത്. ഒപ്പം ത്രിപുര ഗവര്‍ണര്‍ ഇന്ദിരസേന റെഡ്ഡി നല്ലുവും പങ്കെടുത്തു.
സംഗീതത്തെ മനസ്സിലാക്കാന്‍ ധാരാളം ഗവേഷണങ്ങള്‍ നടന്നുവരുന്നതായി മദ്രാസ് ഐഐടി ഡയറക്ടര്‍ വി.കാമകോടി പറഞ്ഞു. എഐ പോലുള്ള പുത്തന്‍ സാങ്കേതികവിദ്യ ഉപയോഗിച്ച് കൂടുതല്‍ ആഴത്തിലുള്ള ഗവേഷണം നടത്താനാവുമെന്നും അദ്ദേഹം പറഞ്ഞു.
ഈ ലക്ഷ്യത്തോടെയാണ് ഇളയരാജയെ സമീപിച്ചതെന്നും കാമകോടി ചൂണ്ടിക്കാട്ടി.മുളകൊണ്ട് നിര്‍മ്മിക്കുന്ന ഈ കേന്ദ്രത്തെക്കുറിച്ചുള്ള ഒരു മിനിറ്റ് ദൈര്‍ഘ്യമുള്ള വീഡിയോ പ്രദര്‍ശിപ്പിച്ചു.
പ്രതികരിക്കാൻ ഇവിടെ എഴുതുക: