ഭാര്യയുടെ ജനനേന്ദ്രിയം തുളച്ച് പൂട്ടു വച്ച യുവാവ് അറസ്റ്റില്‍

മുംബയ്: പരപുരുഷ ബന്ധം സംശയിച്ച ഭാര്യയുടെ ജനനേന്ദ്രിയം തുളച്ച് പൂട്ടു വച്ച യുവാവിനെ പൊലീസ് അറസ്റ്റുചെയ്തു. മഹാരാഷ്‌ട്രയിലെ പിംപ്രി-ചിഞ്ച്വാഡിലാണ് ക്രൂരമായ സംഭവം. മുപ്പതു വയസുളള നേപ്പാളി യുവാവാണ് പിടിയിലായത്.

മൂര്‍ച്ചയേറിയതും അറ്റം കൂര്‍ത്തതുമായ ബ്ലേഡിന് സമാനമായ ആയുധം ഉപയോഗിച്ചാണ് 28കാരിയായ ഭാര്യയുടെ ജനനേന്ദ്രിയത്തില്‍ മുകളിലും താഴെയുമായി ദ്വാരം ഇട്ടത്. തുടര്‍ന്ന് അതിലേക്ക് ഇരുമ്പാണികള്‍ തിരുകിയശേഷം പണ്ടുകാലങ്ങളില്‍ നടപ്പിലുണ്ടായിരുന്ന ചാരിത്ര്യ പൂട്ടിന് സമാനമായി പിച്ചളപ്പൂട്ട് വയ്‌ക്കുകയായിരുന്നു.

ഏതാനും ദിവസം മുമ്പ് പരപുരുഷ ബന്ധമെന്ന് ആരോപിച്ച് ഇയാള്‍ ഭാര്യയെ മര്‍ദ്ദിക്കുകയും കൈകാലുകള്‍ തുണികൊണ്ട് കെട്ടിയിടുകയും ചെയ്തു. തുടര്‍ന്നായിരുന്നു പൂട്ടിട്ടത്. വേദന മൂലം യുവതി നിലവിളിച്ചെങ്കിലും ഇയാള്‍ പിന്മാറിയില്ല. യുവതിയുടെ ശരീരത്തില്‍ നിന്ന് രക്തംവാര്‍ന്നുപോവുകയും ചെയ്തു. നിലവിളികേട്ടെത്തിയ സമീപവാസികളാണ് യുവതിയെ ആശുപത്രിയിലെത്തിച്ചത്. ആണികളും പൂട്ടും നീക്കംചെയ്തു.

യുവതിയുടെ പരാതിയെത്തുടര്‍ന്ന് പൊലീസ് ഭര്‍ത്താവിനെ അറസ്റ്റുചെയ്യുകയായിരുന്നു.