വാരാണസി (ഉത്തര്‍പ്രദേശ്): എന്‍ഡിഎ യുപിയില്‍ ഉജ്ജ്വല വിജയം കാഴ്ചവയ്ക്കുമെന്ന് പ്രധാനമന്ത്രി നരേന്ദ്ര മോദി. വാരാണസി പോലുള്ള ഈ ചരിത്രപരമായ മണ്ഡലത്തിലെ ജനങ്ങളെ സേവിക്കുന്നതില്‍ അഭിമാനമാണ്. ഇനി പ്രവര്‍ത്തനത്തിന്റെ വേഗത വര്‍ധിക്കുകയും, ആവേശം ഇരട്ടിയാകുനന് സമയമാണ്. വാരാണസി ലോക്‌സഭാ മണ്ഡലത്തില്‍ മൂന്നാം തവണയും നാമനിര്‍ദേശ പത്രിക സമര്‍പ്പിച്ച ശേഷം പ്രതികരിക്കുകയായിരുന്നു അദേഹം.
വാരാണസി ലോക്‌സഭാ സീറ്റിലേക്കുള്ള സ്ഥാനാര്‍ത്ഥിയായി ഞാന്‍ നാമനിര്‍ദ്ദേശ പത്രിക സമര്‍പ്പിച്ചു. ഈ ചരിത്ര പ്രസിദ്ധമായ മണ്ഡലത്തിലെ ജനങ്ങളെ സേവിക്കാന്‍ കഴിഞ്ഞത് അഭിമാനകരമാണ്. ജനങ്ങളുടെ അനുഗ്രഹത്താല്‍ കഴിഞ്ഞ ദശകത്തില്‍ ശ്രദ്ധേയമായ നേട്ടങ്ങള്‍ ഉണ്ടായിട്ടുണ്ട്. ഈ പ്രവര്‍ത്തനത്തിന്റെ വേഗത വരും കാലങ്ങളില്‍ കൂടുതല്‍ വേഗത്തിലാകും.
ഇന്ന് കാശിയില്‍ എന്‍ഡിഎ സഖ്യകക്ഷികളുടെ സാന്നിധ്യത്തെയും അദ്ദേഹം ചൂണ്ടിക്കാട്ടി. ഇന്ന് കാശിയില്‍ എന്‍ഡിഎ സഖ്യകക്ഷികളുടെയും നേതാക്കളുടെയും സാന്നിധ്യത്തെ ഞാന്‍ ആദരിക്കുന്നു. ഞങ്ങളുടെ സഖ്യം ദേശീയ പുരോഗതിക്കും പ്രാദേശിക അഭിലാഷങ്ങള്‍ നിറവേറ്റുന്നതിനുമുള്ള പ്രതിബദ്ധതയെ പ്രതിനിധീകരിക്കുന്നു. വരും വര്‍ഷങ്ങളില്‍ ഭാരതത്തിന്റെ പുരോഗതിക്കായി ഞങ്ങള്‍ ഒരുമിച്ച് പ്രവര്‍ത്തിക്കുമെന്നും അദ്ദേഹം കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: