കൊല്‍ക്കത്ത: അഴിമതിക്കെതിരെയുള്ള പോരാട്ടമാണ് ബംഗാളില്‍ നടക്കുന്നതെന്നും ഏതെങ്കിലും വ്യക്തിക്കെതിരെയല്ലെന്നും ബിജെപി ഹൂഗ്ലി സ്ഥാനാര്‍ത്ഥി ലോക്കറ്റ് ചാറ്റര്‍ജി.
ബംഗാളില്‍ അഴിമതിയാണ് ഒന്നാം സ്ഥാനത്ത്. മാഫിയാ രാജാണിവിടെ. സന്ദേശ്ഖാലിയില്‍ അരങ്ങേറിയ സംഭവങ്ങള്‍ ഏവരെയും ഞെട്ടിപ്പിക്കുന്നതാണ്. അതുപോലെ തൊഴിലില്ലായ്മയും വലിയ പ്രശ്‌നമാണ്. ബിജെപി അധികാരത്തിലെത്തിയാല്‍ കൂടുതല്‍ വ്യവസായങ്ങള്‍ സംസ്ഥാനത്തേയക്ക് കൊണ്ടുവന്ന് തൊഴിലില്ലായ്മ ഇല്ലാതാക്കും. ഒരു ടെലിവിഷന്‍ പരിപാടിയില്‍ സംസാരിക്കുകയായിരുന്നു അവര്‍.
നിലവില്‍ ഹൂഗ്ലി മണ്ഡലത്തിലെ എംപികൂടിയാണ് ലോക്കറ്റ് ചാറ്റര്‍ജി. 2019ലെ തെരഞ്ഞെടുപ്പില്‍ മികച്ച വിജയമാണ് ഇവര്‍ നേടിയത്. ബിജെപിയില്‍ എത്തുന്നതിന് മുന്‍പ് സിനിമ, ടെലിവിഷന്‍ താരമെന്ന നിലയില്‍ പ്രസിദ്ധയായിരുന്നു ലോക്കറ്റ് ചാറ്റര്‍ജി. സാമൂഹ്യ സാംസ്‌കാരിക രംഗങ്ങളില്‍ നിറസാന്നിദ്ധ്യമായ ചാറ്റര്‍ജി സന്ദേശ്ഖാലിയിലെ സ്ത്രീകള്‍ക്കായുള്ള പോരാട്ടങ്ങളില്‍ മുന്‍ നിരയിലുണ്ടായിരുന്നു.
പ്രതികരിക്കാൻ ഇവിടെ എഴുതുക: