അബുദാബി: രാജകുടുംബാംഗമായ ശൈഖ് ഹസ ബിന്‍ സുല്‍ത്താന്‍ ബിന്‍ സായിദ് അന്തരിച്ചു.യുഎഇ മുന്‍ ഡെപ്യൂട്ടി പ്രധാനമന്ത്രി അന്തരിച്ച ശൈഖ് സുല്‍ത്താന്‍ ബിന്‍ സായിദ് അല്‍ നഹ്‌യാന്റെ മകനാണ് ശൈഖ് ഹസ.
അബുദാബിയിലെ ശൈഖ് സുല്‍ത്താന്‍ ബിന്‍ സായിദ് ഫസ്റ്റ് മസ്ജിദില്‍ മരണാനന്തര നമസ്‌കാരം നിര്‍വഹിച്ച് കഴിഞ്ഞ് അല്‍ ബത്തീന്‍ ഖബര്‍ സ്ഥാനില്‍ ഖബറടക്കം നടത്തി. രാജകുടുംബാംഗങ്ങളും മുതിര്‍ന്ന ഉദ്യോഗസ്ഥരും നിരവധി പൊതുജനങ്ങളും മയ്യിത്ത് നമസ്‌കാരത്തിലും ഖബറടക്കത്തിലും പങ്കെടുത്തു.
അബുദാബി ഭരണാധികാരിയുടെ അല്‍ ഐന്‍ മേഖലാ പ്രതിനിധി ഇപ്പോഴത്തെ യുഎഇ പ്രസിഡന്റ് ശൈഖ് മുഹമ്മദ് ബിന്‍ സായിദ് അല്‍ നഹ്‌യാന്റെ അമ്മാവനായ ശൈഖ് തഹ്‌നൂന്‍ കഴിഞ്ഞയാഴ്ചയാണ് നിര്യാതനായത്. ഈ പശ്ചാത്തലത്തില്‍ യുഎഇയില്‍ മേയ് ഒന്ന് മുതല്‍ ഏഴ് ദിവസത്തെ ഔദ്യോഗിക ദുഃഖാചരണം നിലനിന്നിരുന്നു.
പ്രതികരിക്കാൻ ഇവിടെ എഴുതുക: