തായ്‌പേയ് (തായ്‌വാന്‍): മൂന്ന് സൈനിക വിമാനങ്ങളും ആറ് നാവിക കപ്പലുകളും ദ്വീപ് രാഷ്‌ട്രത്തിന്റെ വ്യോമ-ജലാാതിര്‍ത്തിയില്‍ പ്രവര്‍ത്തിക്കുന്നുണ്ടെന്ന് തായ്‌വാന്‍ ദേശീയ പ്രതിരോധ മന്ത്രാലയം. രണ്ട് വിമാനങ്ങള്‍ തെക്കുപടിഞ്ഞാറന്‍ വ്യോമ പ്രതിരോധ ഐഡന്റിഫിക്കേഷന്‍ സോണില്‍ പ്രവേശിച്ചുവെന്നും രാജ്യം വ്യക്തമാക്കി.
മന്ത്രാലയത്തിന്റെ റിപ്പോര്‍ട്ട് അനുസരിച്ച്, ചൈനയുടെ പീപ്പിള്‍സ് ലിബറേഷന്‍ ആര്‍മി നേവിയുടെ മൂന്ന് വിമാനങ്ങളും ആറ് കപ്പലുകളും പ്രാദേശിക സമയം രാവിലെ 6 മണിക്ക് പ്രദേശത്ത് കണ്ടെത്തി. തായ്‌വാനിലെ തെക്കുപടിഞ്ഞാറന്‍ എഡിഇസിലേക്ക് രണ്ട് വിമാനങ്ങള്‍ പ്രവേശിച്ചത് പ്രത്യേക ആശങ്കയാണ്.
എയര്‍ ഡിഫന്‍സ് ഐഡന്റിഫിക്കേഷന്‍ സോണ്‍ എന്നത് ഒരു രാജ്യം ദേശീയ സുരക്ഷയുടെ താല്‍പ്പര്യാര്‍ത്ഥം വിമാനങ്ങളെ തിരിച്ചറിയാനും കണ്ടെത്താനും നിയന്ത്രിക്കാനും ശ്രമിക്കുന്ന ഒരു വ്യോമമേഖലയാണ്. തായ്‌വാനിലെ സായുധ സേന പ്രവര്‍ത്തനങ്ങള്‍ നിരീക്ഷിച്ചുകൊണ്ടും തായ്‌വാന്റെ പരമാധികാരവും സുരക്ഷയും സംരക്ഷിക്കുന്നതിന് ആവശ്യമായ മുന്‍കരുതലുകള്‍ സ്വീകരിച്ചുകൊണ്ട് ഉടനടി പ്രതികരിച്ചു.
പ്രതികരിക്കാൻ ഇവിടെ എഴുതുക: