കീറ്റോ: ഇന്സ്റ്റഗ്രാമില് 1.76 ലക്ഷം ഫോളോവേഴ്സുള്ള സോഷ്യല്മീഡിയ ഇന്ഫ്ളുവന്സറും മോഡലുമായ യുവതിയെ ഇക്വഡോറില് വെടിവച്ച് കൊലപ്പെടുത്തി. സൗന്ദര്യമത്സരങ്ങളിലടക്കം സജീവ സാന്നിധ്യമായിരുന്ന ലാന്ഡി പരാഗ ഗ്വൊയ്ബുരോ(23)യാണ് വെടിയേറ്റ് മരിച്ചത്. പട്ടാപ്പകല് ഒരു റസ്റ്റോറന്റില്വെച്ചാണ് യുവതിയെ അക്രമികള് വെടിവച്ച്. സംഭവത്തിന്റെ സിസിടിവി ദൃശ്യങ്ങളും പുറത്തുവന്നിട്ടുണ്ട്.
യുവതി മറ്റൊരാള്ക്കൊപ്പം സംസാരിച്ചു നില്ക്കവെയാണ് രണ്ടുപേരെത്തി വെടിവച്ചത്. കൊല്ലപ്പെടുന്നതിന് തൊട്ടുമുന്പ് ഇന്സ്റ്റഗ്രാമില് ലൊക്കേഷന് സഹിതം റസ്റ്റോറന്റില് ഉച്ചഭക്ഷണം കഴിക്കുന്ന ചിത്രം യുവതി ഇന്സ്റ്റഗ്രാമില് പങ്കുവച്ചിരുന്നു. ഇതിലൂടെ യുവതി എവിടെയാണെന്ന് മനസിലാക്കിയ അക്രമികള് അവിടെയെത്തുകയായിരുന്നു.
ഒരു മയക്കുമരുന്ന് സംഘത്തലവനുമായി യുവതിക്ക് നേരത്തെ അടുപ്പമുണ്ടായിരുന്നതായും ഇതാണ് കൊലപാതകത്തില് കലാശിച്ചതെന്നും അഭ്യൂഹങ്ങളുണ്ട്. മയക്കുമരുന്ന് മാഫിയ തലവന്റെ വിധവയായ ഭാര്യയാണ് കൊലപാതകം ആസൂത്രണംചെയ്തതെന്നും റിപ്പോര്ട്ടുകളില് പറയുന്നു.
പ്രതികരിക്കാൻ ഇവിടെ എഴുതുക: