ഛത്തീസ്ഗഡിൽ ചരക്ക് വാഹനവും ട്രാക്കും കൂട്ടിയിടിച്ച് അപകടം; എട്ട് പേർക്ക് ദാരുണാന്ത്യം

ബെമെതാര: ഛത്തീസ്ഗഡിൽ ചരക്ക് വാഹനവും ട്രക്കും കൂട്ടിയിടിച്ചുണ്ടായ അപകടത്തിൽ എട്ട് പേർക്ക് ദാരുണാന്ത്യം. അഞ്ച് സ്ത്രീകളും മൂന്ന് കുട്ടികളുമാണ് മരിച്ചത്. അപകടത്തിൽ 23 പേർക്ക് പരിക്കേറ്റതായാണ് വിവരം.

ഇന്നലെ രാത്രിയോടെയായിരുന്നു സംഭവം. കാതിയ ഗ്രാമത്തിന് സമീപത്ത് നിന്ന് ചടങ്ങിൽ പങ്കെടുത്ത് മടങ്ങവെയാണ് അപകടം ഉണ്ടായത്. മരിച്ചവർ പത്തര ഗ്രാമ സ്വദേശികളാണെന്ന് അധികൃതർ അറിയിച്ചു.

റോഡരികിൽ നിർത്തിയിട്ടിരുന്ന വാഹനത്തിലേക്ക് ചരക്ക് ലോറി ഇടിക്കുകയായിരുന്നുവെന്നാണ് വിവരം. ഭൂരി നിഷാദ് (50), നീര സാഹു (55), ഗീത സാഹു (60), അഗ്‌നിയ സാഹു (60), ഖുശ്ബു സാഹു (39), മധു സാഹു (5), റികേഷ് നിഷാദ് (6), ട്വിങ്കിൾ നിഷാദ് (5) എന്നിവരാണ് അപകടത്തിൽ മരിച്ചത്. പരിക്കേറ്റവരെ ആശുപത്രിയിൽ പ്രവേശിപ്പിച്ചിരിക്കുകയാണ്.