എഎപി പ്രവർത്തകർ ആക്രമണം അഴിച്ചുവിടുന്നു : ദൽഹിയിലെ മൂന്ന് മെട്രോ സ്റ്റേഷനുകളുടെ ഗേറ്റുകൾ അടച്ചു

ന്യൂദൽഹി: മുഖ്യമന്ത്രി അരവിന്ദ് കെജ്‌രിവാളിന്റെ അറസ്റ്റിനെതിരെ ആം ആദ്മി പാർട്ടിയുടെ പ്രതിഷേധം ആക്രമണങ്ങളിലേക്ക് അതിരുകടക്കുന്നു. ഇതിനെ തുടർന്ന് സുരക്ഷാ കാരണങ്ങളാൽ ലോക് കല്യാൺ മാർഗ് മെട്രോ സ്‌റ്റേഷനിലെ എൻട്രി, എക്‌സിറ്റ് ഗേറ്റുകൾ അടച്ചിട്ടതായി ദൽഹി മെട്രോ റെയിൽ കോർപ്പറേഷൻ (ഡിഎംആർസി) അറിയിച്ചു.

പട്ടേൽ ചൗക്ക്, സെൻട്രൽ സെക്രട്ടേറിയറ്റ് മെട്രോ സ്‌റ്റേഷനുകളിൽ പ്രവേശനവും പുറത്തേക്കും നിയന്ത്രണം ഏർപ്പെടുത്തിയിട്ടുണ്ട്. എക്‌സിലെ ഒരു പോസ്റ്റിലാണ് ഡിഎംആർസി ഇക്കാര്യം പറഞ്ഞത്.

“സുരക്ഷാ കാരണങ്ങളാൽ, ലോക് കല്യാൺ മാർഗ് മെട്രോ സ്റ്റേഷനിലെ പ്രവേശനം/പുറത്ത്, പട്ടേൽ ചൗക്ക് മെട്രോ സ്റ്റേഷന്റെ ഗേറ്റ് നമ്പർ 3, സെൻട്രൽ സെക്രട്ടേറിയറ്റ് മെട്രോ സ്റ്റേഷന്റെ ഗേറ്റ് നമ്പർ 5 എന്നിവ ഇനിയൊരു അറിയിപ്പ് ഉണ്ടാകുന്നതുവരെ അടച്ചിരിക്കും. ” – എന്നാണ് എക്സിൽ പറഞ്ഞിരിക്കുന്നത്.