തിരുവനന്തപുരം: ഇടതുമുന്നണി കണ്‍വീനര്‍ ഇ.പി. ജയരാജനുമായി ബിസിനസ് ബന്ധമില്ലെന്ന് വ്യക്തമാക്കി കേന്ദ്ര മന്ത്രിയും തിരുവനന്തപുരത്തെ എന്‍ഡിഎ സ്ഥാനാര്‍ഥിയുമായ രാജീവ് ചന്ദ്രശേഖര്‍ പ്രതിപക്ഷ നേതാവ് വി.ഡി. സതീശന്റെ ആരോപണം ശരിയല്ലെന്നും അദ്ദേഹം പറഞ്ഞു. .
പതിനെട്ട് വര്‍ഷമായി രാഷ്‌ട്രീയത്തിലുള്ളയാളാണ് താന്‍ എന്നും രാജീവ് ചന്ദ്രശേഖര്‍ പറഞ്ഞു.പരാതിയുണ്ടെങ്കില്‍ കോടതിയെ സമീപിക്കട്ടെ. എന്നാല്‍ ഇങ്ങനെ പുകമറയുണ്ടാക്കാന്‍ മാത്രമേ അവര്‍ക്ക് അറിയൂ.
നുണയ്‌ക്കും അര്‍ധ സത്യങ്ങള്‍ക്കും പിന്നാലെ പോകാനില്ലെന്നും രാജീവ് ചന്ദ്രശേഖര്‍ പറഞ്ഞു.ഇരു മുന്നണികളും ഒരു മത സമൂഹത്തെ പേടിപ്പെടുത്താന്‍ ശ്രമിക്കുകയാണ്.
പൗരത്വ ഭേദഗതി നിയമത്തില്‍ ഇരു മുന്നണികളും നുണ പറയുകയാണ്. വിശ്വപൗരനായ എംപിവരെ ആളുകളെ ഭയപ്പെടുത്തുകയാണ്. വികസനത്തെക്കുറിച്ച് ശശി തരൂര്‍ സംസാരിക്കുന്നില്ല. വികസന കാര്യത്തില്‍ മൂന്നു പാര്‍ട്ടികളും എന്തുചെയ്‌തെന്നാണ് പരിശോധിക്കേണ്ടതെന്നും രാജീവ് ചന്ദ്ര ശേഖര്‍ പറഞ്ഞു.
പ്രതികരിക്കാൻ ഇവിടെ എഴുതുക: