വോള്‍വെര്‍ഹാംപ്ടണ്‍: എഫ് എ കപ്പ് ഫുട്‌ബോള്‍ ക്വാര്‍ട്ടറില്‍ അട്ടിമറി ജയവുമായി കോവെന്റ്രി സിറ്റി. വുള്‍വ്‌സിനെ 3-2ന് തോല്‍പ്പിച്ചാണ് കോവെന്റ്രി സെമിയല്‍ കടന്നത്. ചരിത്രത്തില്‍ രണ്ടാം തവണയാണ് ടീം എഫ്എ കപ്പ് സെമിയില്‍ പ്രവേശിക്കുന്നത്.
കളിയുടെ റെഗുലര്‍ ടൈം കഴിയുന്ന നേരത്ത് 2-1ന് പിന്നിലായിരുന്ന കോവന്റ്രി ഇന്‍ജുറി ടൈമില്‍ നേടിയ രണ്ട് ഗോളിന്റെ ബലത്തിലാണ് ആവേശ ജയം സ്വന്തമാക്കിയത്.
കളിയുടെ രണ്ടാം പകുതിയിലാണ് അഞ്ച് ഗോളുകളും വീണത്. 53-ാം മിനിറ്റില്‍ ആദ്യ മുന്നിലെത്തിയത് കോവന്റ്രിയാണ്. 83-ാം മിനിറ്റില്‍ വുള്‍വ്‌സ് സമനില പിടിച്ചു. അഞ്ച് മിനിറ്റിനകം അവര്‍ ഒരു ഗോള്‍ കൂടി നേടി മുന്നിലെത്തിയപ്പോള്‍ വിജയം ഉറപ്പിച്ചതാണ്. പക്ഷെ 12 മിനിറ്റ് നീണ്ട ഇന്‍ജുറി ടൈമില്‍ കാര്യങ്ങള്‍ മാറിമറിഞ്ഞു. 90+7, 90+10 മിനിറ്റുകളിലാണ് കോവെന്റ്രി രണ്ടും മൂന്നും ഗോളുകള്‍ നേടിയത്.
പ്രതികരിക്കാൻ ഇവിടെ എഴുതുക: