മുംബൈ: എട്ട് വര്‍ഷത്തെ ഇടവേളക്കുശേഷം രഞ്ജി ട്രോഫി കിരീടത്തില്‍ മുത്തമിട്ട മുംബൈ ക്രിക്കറ്റ് ടീമിന് ഇത്തവണ ഇരട്ടി സന്തോഷം. കിരീടം നേടിയതിന് പിന്നാലെ ടീമിന് അഞ്ച് കോടി രൂപ പാരിതോഷികം നല്‍കുമെന്ന് മുംബൈ ക്രിക്കറ്റ് അസോസിയേഷന്‍ പ്രസിഡന്റ് അമോല്‍ കാലെ പറഞ്ഞു.
രഞ്ജി കിരിട ജേതാക്കള്‍ക്ക് പ്രൈസ് മണിയായി ലഭിക്കുന്ന അഞ്ച് കോടി രൂപക്ക് പുറമെയാണിത്. മറ്റ് ജോലിയൊന്നുമില്ലാത്ത യുവതാരങ്ങളെ സഹായിക്കാനായാണ് ഇത്തവണ അഞ്ച് കോടി പ്രൈസ് മണിക്ക് പുറമെ അഞ്ച് കോടി രൂപ അധിക സമ്മാനമായി നല്‍കുന്നതെന്നും മുംബൈ ക്രിക്കറ്റ് അസോസിയേഷന്‍ വ്യക്തമാക്കി.
ഫൈനലില്‍ വിദര്‍ഭയെ തോല്‍പ്പിച്ചാണ് മുംബൈ 42-ാമത് രഞ്ജി കിരീടം നേടുന്നത്. 2015-2016നുശേഷം ആദ്യമായാണ് മുംബൈ രഞ്ജി കിരീടത്തില്‍ മുത്തമിടുന്നത്. രഞ്ജി ട്രോഫിയില്‍ കിരീടം നേടുന്ന 26-ാമത്തെ മുംബൈ നായകനുമായി ഇന്ത്യന്‍ താരം അജിന്‍ക്യ രഹാനെ.
പ്രതികരിക്കാൻ ഇവിടെ എഴുതുക: