കൊച്ചി : പത്മജ വേണുഗോപാല്‍ ബി ജെ പിയിലെത്തിയതിന് പിന്നില്‍ പ്രവര്‍ത്തിച്ചത് താനാണെന്ന രീതിയില്‍ പ്രതിപക്ഷ നേതാവ് വി.ഡി സതീശന്‍ ആരോപണം ഉന്നയിച്ചത് നിഷേധിച്ച് മുന്‍ ഡിജിപിയും കൊച്ചി മെട്രോ എംഡിയുമായ ലോക്‌നാഥ് ബെഹ്‌റ. കൊച്ചിയിലുള്ള മുന്‍ ഐപിഎസ് ഉദ്യോഗസ്ഥനാണ് പത്മജയുടെ ബിജെപി പ്രവേശനത്തില്‍ ഇടനിലക്കാരനായി പ്രവര്‍ത്തിച്ചതെന്നാണ് വി.ഡി സതീശന്‍ ആരോപിച്ചത്..
അടിസ്ഥാനരഹിതമായ ആരോപണങ്ങളാണ് ഉന്നയിക്കുന്നത്. തനിക്ക് ഇക്കാര്യത്തില്‍ പങ്കില്ല. കൂടുതല്‍ ഒന്നും പറയാനില്ലെന്നും ലോക്‌നാഥ് ബെഹ്‌റ പറഞ്ഞു.
കേരളത്തില്‍ നിന്ന് ഒരു കോണ്‍ഗ്രസ് നേതാവ് ബിജെപിയില്‍ ചേര്‍ന്നതില്‍ ഏറ്റവും സന്തോഷം സിപിഎം നേതാക്കള്‍ക്കാണെന്നും സതീശന്‍ വിമര്‍ശിച്ചു. കേരളത്തില്‍ ലോകസഭാ തെരഞ്ഞെടുപ്പില്‍ മത്സരം സി പി എമ്മും ബി ജെ പിയും തമ്മിലാണെന്ന് ഇടതുമുന്നണി കണ്‍വീനര്‍ ഇ പി ജയരാജന്‍ പറഞ്ഞതും സതീശന്‍ ചൂണ്ടിക്കാട്ടി.
അതേസമയം തന്റെ ബി ജെ പി പ്രവേശനത്തില്‍ ആരും ഇടനില നിന്നിട്ടില്ലെന്ന് പത്മജ വേണുഗോപാല്‍ പറഞ്ഞു.
പ്രതികരിക്കാൻ ഇവിടെ എഴുതുക: