ന്യൂദല്‍ഹി: ഗാര്‍ഹിക പാചകവാതക സിലിണ്ടറുകളുടെ വില കുറച്ച് കേന്ദ്രസര്‍ക്കാര്‍. പ്രധാനമന്ത്രി നരേന്ദ്രമോദിയാണ് സാമൂഹിക മാധ്യമത്തിലൂടെ നിരക്ക് കുറച്ച വിവരം പ്രഖ്യാപിച്ചത്. വനിതാദിന സമ്മാനമാണെന്നും പ്രധാനമന്ത്രി പറഞ്ഞു.
എല്‍പിജി സിലിണ്ടറിന് 100 രൂപ കുറയുമെന്നാണ് നരേന്ദ്രമോദി എക്‌സിലൂടെ വ്യക്തമാക്കിയത്. ദശലക്ഷക്കണക്കിന് കുടുംബങ്ങള്‍ക്ക് ഈ തീരുമാനം ആശ്വാസം നല്‍കുമെന്നും പ്രത്യേകിച്ച് രാജ്യത്തെ വനിതകള്‍ക്ക് ഗുണകരമാകുമെന്നും അദേഹം ചൂണ്ടിക്കാട്ടി. ഉജ്ജ്വല യോജനയ്‌ക്ക് കീഴിലുള്ളവര്‍ക്ക് എല്‍പിജി സിലിണ്ടറിന് 300 രൂപ സബ്‌സിഡി നല്‍കുന്നത് അടുത്ത വര്‍ഷവും തുടരും.
Greetings on International Women's Day! We salute the strength, courage, and resilience of our Nari Shakti and laud their accomplishments across various fields. Our government is committed to empowering women through initiatives in education, entrepreneurship, agriculture,…
— Narendra Modi (@narendramodi) March 8, 2024
ഇത് ഏപ്രില്‍ ഒന്ന് മുതല്‍ ആരംഭിക്കുമെന്ന് കഴിഞ്ഞ ദിവസം കേന്ദ്രസര്‍ക്കാര്‍ അറിയിച്ചിരുന്നു. നിലവിലെ സബ്‌സിഡി വിതരണം മാര്‍ച്ച് 31ന് അവസാനിക്കുന്ന സാഹചര്യത്തിലാണ് പദ്ധതി അടുത്ത വര്‍ഷത്തേക്ക് കൂടി നീട്ടിയത്.
പ്രതികരിക്കാൻ ഇവിടെ എഴുതുക: