പശുക്കുട്ടിയുടെ തുകല്‍ കൊണ്ട് നിര്‍മ്മിച്ച ബാഗ് ;ആലിയ ഭട്ടിനെതിരേ വ്യാപക വിമര്‍ശനം

പ്രമുഖ ബ്രാൻഡായ ഗൂച്ചിയുടെ ലെതർ ബാഗ് ഉപയോഗിച്ചതിനെ തുടർന്ന് ബോളിവുഡ് താരം ആലിയ ഭട്ടിനെതിരേ വ്യാപക വിമര്‍ശനം. കഴിഞ്ഞ ദിവസം മുംബൈയിൽ നടന്ന ഒരു പരിപാടിയിൽ ഗൂച്ചിയുടെ ആഗോള ബ്രാൻഡ് അംബാസഡറായ ആലിയ 2800 ഡോളർ (2.3 ലക്ഷം രൂപ) വില വരുന്ന ലെതർ ബാഗുമായി പങ്കെടുത്തത്. ഈ ബാഗ് പശുക്കുട്ടിയുടെ തുകല്‍ കൊണ്ടാണ് നിര്‍മിച്ചിരിക്കുന്നത്. ആനക്കൊമ്പ് വേട്ടയ്‌ക്കെതിരെ സംസാരിച്ച പോച്ചർ എന്ന വെബ്‌സീരീസിന്റെ എക്‌സിക്യൂട്ടീവ് നിര്‍മാതാവായ ആലിയ തുകൽ ബാഗ് ഉപയോഗിച്ചതാണ് വിമർശനങ്ങൾക്ക് കാരണമായത്.

കഴിഞ്ഞ മാസം നടന്ന വെബ്‌സീരീസിന്റെ ച്രചാരണ പരിപാടികളിൽ ആലിയ ആനവേട്ടയെക്കുറിച്ചും മൃഗ സംരക്ഷണത്തെക്കുറിച്ചുമൊക്കെ സംസാരിച്ചിരുന്നു. ഇതേ വ്യക്തി തന്നെ തുകൽ ബാഗ് ഉപയോഗിക്കുന്നു എന്നും ഇത് ഇരട്ടത്താപ്പ് ആണെന്നും പലരും വിമർശിക്കുന്നു. സെലിബ്രിറ്റികളുടെ ഇരട്ടത്താപ്പ് തീർത്തും അരോചകമാണ്’, ‘കുറഞ്ഞപക്ഷം പൊതുവേദിയിലെങ്കിലും ആ ബാഗ് എടുക്കാതിരുന്നെങ്കിൽ ഇത് ഒഴിവാക്കാമായിരുന്നു. മറ്റെല്ലാ താരങ്ങളെയും പോലെ ക്യാമറയ്‌ക്ക് പുറകിൽ മാത്രം ഹിപ്പോക്രൈറ്റ് ആകാമായിരുന്നു’ എന്നിങ്ങനെ പോകുന്നു വിമർശനങ്ങൾ.