തൃശൂര്‍ : ഒരു കുടുംബത്തിലെ മൂന്ന് പേര്‍ മരിച്ച നിലയില്‍. പേരാമംഗലം അമ്പലക്കാവില്‍ അടാട്ട് മാടശ്ശേരി വീട്ടില്‍ സുമേഷ്(35), ഭാര്യ സംഗീത (33), മകന്‍ ഹരിന്‍ (9) എന്നിവരെയാണ് മരിച്ച നിലയില്‍ കണ്ടത്.
വീട്ടില്‍ നിന്ന് ആത്മഹത്യാക്കുറിപ്പ് കണ്ടെടുത്തിട്ടുണ്ട്.ഭാര്യയും ഭര്‍ത്താവും തൂങ്ങിമരിച്ച നിലയിലായിരുന്നു. കുട്ടിയെ നിലത്ത് പായയില്‍ മരിച്ച നിലയിലായിരുന്നു. സുമേഷ് വിദേശത്ത് നിന്നും 12 ദിവസം മുമ്പാണ് നാട്ടിലെത്തിയത്. കുട്ടിയെ കൊലപ്പെടുത്തിയശേഷം മാതാപിതാക്കള്‍ ആത്മഹത്യ ചെയ്തു എന്നാണ് പൊലീസ് നിഗമനം. മകന്‍ ഓട്ടിസം ബാധിതനായിരുന്നു .
വീട് തുറക്കാത്തതിനെത്തുടര്‍ന്ന് അയല്‍വാസികള്‍ ബന്ധുക്കളെ വിവരം അറിയിക്കുകയായിരുന്നു. പേരാമംഗലം പൊലീസ് സ്ഥലത്തെത്തി വാതില്‍ തുറന്നു കയറിയപ്പോഴാണ് മൃതദേഹങ്ങള്‍ കണ്ടത്.
പ്രതികരിക്കാൻ ഇവിടെ എഴുതുക: