കലബുറഗിയിൽ ബി.ജെ.പി. നേതാവിനെ വെ​ട്ടി​ക്കൊ​ന്നു; കൊലനടത്തിയത് കണ്ണില്‍ മുളക്‌പൊടിയെറിഞ്ഞശേഷം

ബെംഗളൂരു: കലബുറഗിയിൽ ഉമേഷ് യാദവ് എം.പി.യുടെ അടുത്ത അനുയായിയും ബി.ജെ.പി. നേതാവുമായ ഗിരീഷ് ചക്രയെ (31) ഒരുസംഘമാളുകൾ വെട്ടിക്കൊലപ്പെടുത്തി. വ്യാ​ഴാ​ഴ്ച രാ​ത്രി പി​ന്തു​ട​ർ​ന്നെ​ത്തി​യ അ​ക്ര​മി ഗി​രീ​ഷി​ന്റെ ക​ണ്ണി​ൽ മു​ള​കു​പൊ​ടി എ​റി​ഞ്ഞ​ശേ​ഷം വെ​ട്ടു​ക​യാ​യി​രുന്നു. വെള്ളിയാഴ്ച രാവിലെ അഫസലാപൂർ താലൂക്കിലെ സഗനൂരിലാണ് മൃതദേഹം കണ്ടെത്തിയത്. മൃതദേഹം പോസ്റ്റ്‌മോർട്ടത്തിനായി കലബുറഗി ജില്ലാ ആശുപത്രിയിലേക്ക് മാറ്റി.

എം.ബി.എ. പൂർത്തിയാക്കിയശേഷം രാഷ്‌ട്രീയത്തിൽ സജീവമായ ഗിരീഷ് യുവ മോർച്ച അംഗവുമായിരുന്നു. ഗിരീഷിനെ അടുത്തിടെയാണ് ഉമേഷ് യാദവ് ബി.എസ്.എൻ.എൽ. കലബുറഗി ഡിവിഷന്റെ അഡ്വൈസറി കമ്മിറ്റി അംഗമായി നിയമിച്ചത്. മിടുക്കനായ യുവനേതാവായിരുന്നു ഗിരീഷെന്നും പത്തുവർഷത്തെ അടുപ്പമുണ്ടെന്നും ഉമേഷ് യാദവ് പറഞ്ഞു. ബുധനാഴ്ച ഗിരീഷ് വന്ന് കണ്ടതാണെന്നും അദ്ദേഹം പറഞ്ഞു.

അതേസമയം ചി​ല​ർ വാ​ട​ക​ക്കൊ​ല​യാ​ളി​യെ ഉ​പ​യോ​ഗി​ച്ച് വ​ക​വ​രു​ത്തി​യ​താ​ണെ​ന്ന് സ​ഹോ​ദ​ര​ൻ സ​ദാ​ശി​വ ച​ക്ര ആരോപിച്ചു. കൊലയ്‌ക്ക് പി​ന്നി​ൽ ആ​രെ​ല്ലാ​മെ​ന്ന് ത​നി​ക്ക​റി​യാം, പി​ന്നീ​ട് വെ​ളി​പ്പെ​ടു​ത്തും എ​ന്ന് സ​ദാ​ശി​വ അ​റി​യി​ച്ചു. സംഭവത്തില്‍ ഗണഗപുർ പോലീസ് കേസെടുത്തുത്ത് അന്വേഷണം ആരംഭിച്ചു.