മലപ്പുറം : പതിനൊന്ന് മാസം പ്രായമുളള കുഞ്ഞിനെ അരുംകൊല ചെയ്ത മാതാവും കാമുകനും പിടിയില്‍. തിരൂരിലാണ് സംഭവം.
തമിഴ്നാട് സ്വദേശികളായ ജയസൂര്യന്‍, കാമുകി ശ്രീപ്രിയ, ബന്ധുക്കള്‍ എന്നിവരെ തിരൂര്‍ പൊലീസ് കസ്റ്റഡിയിലെടുത്ത് ചോദ്യം ചെയ്ത് വരികയാണ്. മൂന്നു മാസം മുന്‍പാണ് കൊലപാതം നടത്തിയതെന്നാണ് പൊലീസ് നിഗമനം.
പോണ്ടിച്ചേരി കൂടല്ലൂര്‍ സ്വദേശിനിയാണ് 19 കാരി ശ്രീപ്രിയ. കുഞ്ഞിനെ ഉപേക്ഷിച്ചത് തൃശൂരിലാണെന്നാണ് സൂചന.
ശ്രീപ്രിയയെ തേടി സഹോദരി വിജയയും ഭര്‍ത്താവും വെള്ളിയാഴ്‌ച്ച രാവിലെ തിരൂരിലെത്തിയപ്പോഴാണ് സംഭവം വെളിപ്പെട്ടത്. കുഞ്ഞിനെ അന്വേഷിച്ചപ്പോള്‍ പരസ്പര വിരുദ്ധമായ കാര്യങ്ങളാണ് ശ്രീപ്രിയ പറഞ്ഞത്. തുടര്‍ന്ന് സംശയം തോന്നി കൂടുതല്‍ ചോദിച്ചപ്പോള്‍ കുഞ്ഞിനെ കാമുകനും പിതാവും ചേര്‍ന്ന് കൊലപ്പെടത്തിയെന്ന് പറയുകയായിരുന്നു.
ഒന്നരവര്‍ഷം മുമ്പാണ് ശ്രീപ്രിയ വിവാഹിതയായത്. എന്നാല്‍ മൂന്ന് മാസം മുമ്പ് ഭര്‍ത്താവിനൊപ്പം താമസിക്കുമ്പോള്‍ കാണാതാവുകയായിരുന്നു. പോണ്ടിച്ചേരിയില്‍ നിന്ന് മുങ്ങിയ ശ്രീപ്രിയ കാമുകനും കുടുംബത്തോടെപ്പം പുല്ലൂരില്‍ വാടകയ്‌ക്ക് താമസിക്കുകയായിരുന്നു. ഇവിടെവെച്ചാണ് കുഞ്ഞിനെ കൊല ചെയ്ത ത്. തന്നെ മുറിയില്‍ പൂട്ടിയിട്ട ശേഷം കാമുകനും പിതാവും ചേര്‍ന്ന് കുഞ്ഞിനെ അപയാപ്പെടുത്തിയെന്നാണ് ശ്രീപ്രിയ വെളിപ്പെടുത്തിയത്.
ശ്രീപ്രിയയും കാമുകനും കുടുംബവും പുല്ലൂരില്‍ താമസം തുടങ്ങിയത് രണ്ട് മാസം മുമ്പാണ്. ശ്രീപ്രിയ ഇവിടെ ഹോട്ടലില്‍ ജോലി ചെയ്തിരുന്നു.
പ്രതികരിക്കാൻ ഇവിടെ എഴുതുക: