എറണാകുളം: ലൈംഗികാതിക്രമത്തിന് ഇരയാവുന്ന ആണ്‍കുട്ടികളുടെ സംഖ്യയും വര്‍ധിക്കുന്നതായി ഹൈക്കോടതി. ഈ കണക്കുകളില്‍ മുന്‍ വര്‍ഷങ്ങളേക്കാള്‍ വര്‍ദ്ധനവ് വന്നിട്ടുണ്ടെന്ന് ജസ്റ്റിസ് ദേവന്‍ രാമചന്ദ്രനാണ് വ്യക്തമാക്കിയത്. ലൈംഗികാതിക്രമത്തിന് ഇരയായവരെ പരിശോധിക്കാന്‍ വനിതാ ഗൈനക്കോളജിസ്റ്റുകളെ മാത്രം അനുവദിക്കുന്നതിനെതിരെ നല്‍കിയ ഹര്‍ജി പരിഗണിക്കുമ്പോഴായിരുന്നു അദേഹത്തിന്റെ നിരീക്ഷണം.
ലൈംഗികാതിക്രമത്തിന് ഇരയായവുന്ന സ്ത്രീകളെ പോലെ തന്നെ പുരുഷന്മാരുടെ എണ്ണത്തിലും വര്‍ദ്ധനവ് വരുന്നുണ്ട്. നിലവിലെ പ്രോട്ടോകോള്‍, അതിക്രമത്തിന് ഇരയായവരെ പിന്തുണയ്‌ക്കുന്നതിനും സഹായിക്കുന്നതിനുമായുള്ളതാണെങ്കിലും ലൈംഗികാതിക്രമത്തില്‍ ഇരയായ പുരുഷന്മാരെ പിന്തുണയ്‌ക്കുന്ന പ്രോട്ടോകോളും പരിഗണിക്കേണ്ടതുണ്ട് ജസ്റ്റിസ് ദേവന്‍ രാമചന്ദ്രന്‍ പറഞ്ഞു.
പ്രതികരിക്കാൻ ഇവിടെ എഴുതുക: