പ്രതിപക്ഷ ബഹുമാനം അങ്ങേയറ്റം ഊട്ടിയുറപ്പിച്ച് കുട്ടിസഖാക്കള്‍. കെ സുധാകരന്‍ മൈക്കിലൂടെ വി ഡി സതീശനെ അസഭ്യം നടത്തിയ സംഭവം മണിക്കൂറുകള്‍ കഴിയുംമുമ്പേ രാഷ്‌ട്രീയ ആയുധമാക്കി എസ്എഫ്ഐ.
‘മൈ*#*# ഡിയര്‍ സതീശന് പത്തനംതിട്ടയിലേക്ക് സ്വാഗതം എന്ന വാചകത്തിനൊപ്പം രണ്ട് നേതാക്കളുടെയും ചിത്രം സഹിതമാണ് എസ്എഫ്ഐ പത്തനംതിട്ട ഗാന്ധി സ്‌ക്വയറില്‍ ഫ്‌ലക്‌സ് ബോര്‍ഡ് സ്ഥാപിച്ചത്. കെപിസിസി നേതൃത്വത്തിന്റെ സമരാഗ്‌നി ജാഥയുടെ ഭാഗമായി കെ.സുധാകരനും വി.ഡി സതീശനും അടുത്തദിവസം പത്തനംതിട്ടയിലെത്തുന്നുണ്ട്. അതേസമയം, ഫ്‌ലക്‌സ് ബോര്‍ഡ് യൂത്ത് കോണ്‍ഗ്രസ് പ്രവര്‍ത്തകര്‍ നശിപ്പിച്ചു.
ആലപ്പുഴയില്‍ കോണ്‍ഗ്രസിന്റെ സമരാഗ്‌നി ജാഥയോടനുബന്ധിച്ച് നടന്ന വാര്‍ത്താമ്മേളനത്തില്‍ വി.ഡി സതീശന് എത്താന്‍ വൈകിയതോടെ കെ.സുധാകരന്‍ അടുത്തിരുന്ന ഡിസിസി പ്രസിഡന്റ് ബി.ബാബുപ്രസാദിനോട് തന്റെ അതൃപ്തി അറിയിച്ചതിനിടയില്‍ അസഭ്യപദ പ്രയോഗം നടത്തിയതാണ് വിവാദമായത്.
പ്രതികരിക്കാൻ ഇവിടെ എഴുതുക: