സന്ദേശ്ഖാലിയിൽ അറസ്റ്റിലായ മാധ്യമപ്രവർത്തകന് ഹൈക്കോടതി ജാമ്യം അനുവദിച്ചു

കൊൽക്കത്ത: സംഘർഷഭരിതമായ സന്ദേശ്ഖാലി മേഖലയിൽ പശ്ചിമ ബംഗാൾ പോലീസ് അറസ്റ്റ് ചെയ്ത ടെലിവിഷൻ മാധ്യമപ്രവർത്തകൻ സന്തു പാനിന് കൽക്കട്ട ഹൈക്കോടതി വ്യാഴാഴ്ച ജാമ്യം അനുവദിച്ചു.

കൂടാതെ സന്തു പാനിനെതിരെ സന്ദേശ്ഖാലി പൊലീസ് സ്റ്റേഷനിൽ രജിസ്റ്റർ ചെയ്ത കേസിൽ തുടർ നടപടികൾ നിർത്തിവയ്‌ക്കാനും കോടതി ഉത്തരവിട്ടു. റിപ്പബ്ലിക് ബംഗ്ലയിൽ ജോലി ചെയ്യുന്ന മാധ്യമപ്രവർത്തകൻ നൽകിയ ഹർജിയിലാണ് ജസ്റ്റിസ് കൗസിക് ചന്ദ ജാമ്യം അനുവദിച്ചത്.

സന്ദേശ്ഖാലിയിൽ നിന്ന് തിങ്കളാഴ്ചയാണ് സന്തുവിനെ പോലീസ് അറസ്റ്റ് ചെയ്തത്. തുടർന്ന് ചൊവ്വാഴ്ച നോർത്ത് 24 പർഗാനാസ് ജില്ലയിലെ പ്രാദേശിക കോടതി ഇയാളെ മൂന്ന് ദിവസത്തേക്ക് പോലീസ് കസ്റ്റഡിയിൽ വിട്ടു.

തന്റെ വീട്ടിൽ അതിക്രമിച്ചു കയറിയെന്ന യുവതിയുടെ പരാതിയുടെ അടിസ്ഥാനത്തിലാണ് സന്തു അറസ്റ്റിലായത്.