കൊച്ചി: ആദിത്യ ബിര്‍ള ഫാഷന്‍ ആന്റ് റീട്ടെയ്ല്‍ ലിമിറ്റഡിന്റെ ഭാഗമായ പ്രീമിയം മെന്‍സ് വെയര്‍ ബ്രാന്‍ഡായ ലൂയി ഫിലിപ്പ് തങ്ങളുടെ ഏറ്റവും പുതിയ ‘ദി റോയല്‍ ഇന്ത്യന്‍ വെഡ്ഡിങ്ങ്’ ശേഖരം പുറത്തിറക്കുന്നതായി പ്രഖ്യാപിച്ചു. വിവാഹത്തിനു മുന്‍പുള്ള ഫോട്ടോ ഷൂട്ടുകള്‍ മുതല്‍ റിസപ്ഷന്‍ ചടങ്ങുകള്‍ വരെയായി ഓരോ നിമിഷങ്ങളേയും പ്രതിനിധീകരിക്കുന്ന വസ്ത്രങ്ങൾ ഉൾപ്പെടുന്നതാണ് ‘റോയൽ ഇന്ത്യൻ വെഡ്ഡിങ്ങ്’ ശേഖരം.
ത്രീ-പീസ് സ്യൂട്ടുകള്‍, ബുന്ദികള്‍, ബാന്ദ്ഗാലകള്‍, ടക്‌സീഡോകള്‍ എന്നിവ ഉൾപ്പെടുന്നതാണ് പുതിയ ശേഖരം. ഇവ ഓരോന്നും തന്നെ റിച്ച് ബ്ലാക്ക് നിറത്തിൽ പ്രത്യേകം തയ്യാറാക്കിയതാണ്. കൂടാതെ പ്രത്യേകം തയ്യാറാക്കിയ ലേപ്പലും (മാര്‍മടക്ക്) അതിന് മാറ്റ് കൂട്ടുന്ന രത്‌നങ്ങള്‍ പതിപ്പിച്ച കോളറുകളും ഉള്ള സാറ്റിന്‍ ഷര്‍ട്ടുകളും അതോടൊപ്പം ഉണ്ട്.
“തങ്ങളുടെ പ്രത്യേക ദിനത്തില്‍ വരന്മാരെ യഥാര്‍ത്ഥ രാജാവിനെ പോലെ തോന്നിപ്പിക്കുന്ന തരത്തിൽ രൂപ കൽപ്പന ചെയ്തതാണ് ഈ വസ്ത്ര ശേഖരം. ധരിക്കുന്ന ഓരോരുത്തര്‍ക്കും രാജകീയത തോന്നുന്നുവെന്ന് ഉറപ്പ് വരുത്തുന്ന തരത്തില്‍ വളരെ കണിശതയോടെ രൂപപ്പെടുത്തിയെടുത്തിട്ടുള്ളതാണ് ഈ ശേഖരത്തിലെ ഓരോന്നും. സമാനതകളില്ലാത്ത നിലവാരവും ഡിസൈനും വാഗ്ദാനം ചെയ്യുന്ന ഈ ശേഖരത്തിലൂടെ വിവാഹ ആവശ്യങ്ങള്‍ക്കായി ഏറ്റവും ഏറെ സ്വീകരിക്കപ്പെടുന്ന ബ്രാന്‍ഡ് എന്ന ഞങ്ങളുടെ സ്ഥാനം ലൂയി ഫിലിപ്പ് അരക്കിട്ടുറപ്പിക്കുകയാണ്.” – ലൂയി ഫിലിപ്പ് സിഒഒ ഫരിദ കളിയാടന്‍ പറഞ്ഞു.
സൂപ്പര്‍ പ്രീമിയം ഫാബ്രിക് ഉപയോഗിക്കുന്നു എന്നതാണ് ലൂയി ഫിലിപ്പ് ‘റോയല്‍ ഇന്ത്യന്‍ വെഡ്ഡിങ്ങ്’ ശേഖരത്തെ മറ്റുള്ളവയില്‍ നിന്നും വ്യത്യസ്തമാക്കുന്നത്. സമ്പന്നമായ സില്‍ക്ക് ബ്ലെന്‍ഡുകളും, ആഡംബര വെല്‍വറ്റുകളും മുതല്‍ അനുപമമായ വൂളന്‍ തുണിത്തരങ്ങള്‍ വരെ ഇതില്‍ ഉള്‍പ്പെടുന്നു. കൈകൊണ്ട് എംബ്രോയ്ഡറി ചെയ്ത തിളങ്ങുന്ന ഡെക്കറേഷനുകളോടെയുള്ള ജക്വാര്‍ഡുകള്‍, ‘ജറി’ വര്‍ക്കിന്റെ കലാചാരുത, മുത്തുകള്‍ എന്നിങ്ങനെയുള്ള വളരെ കോമളമായ വിശദാംശങ്ങളില്‍ അതീവ വൈദഗ്ധ്യത്തോടെയുള്ള കരകൗശലത തെളിഞ്ഞു കാണും.
ലൂയി ഫിലിപ്പ് ‘ദി റോയല്‍ ഇന്ത്യന്‍ വെഡ്ഡിങ്ങ്’ കളക്ഷനുകള്‍ ഇപ്പോൾ കൊച്ചിയിലെ ലൂയി ഫിലിപ്പ് ഫ്ലാഗ്ഷിപ്പ് സ്‌റ്റോറുകളിലും അംഗീകൃത റീട്ടെയ്‌ലർ ഷോപ്പുകളിലും, അതോടൊപ്പം – www.louisphilippe.com -ലൂടെ ഓണ്‍ലൈനിലും ബ്രാന്‍ഡിന്റെ മൊബൈല്‍ ആപ്പിലൂടേയും ലഭ്യമാണ്.
പ്രതികരിക്കാൻ ഇവിടെ എഴുതുക: