തിരുവനന്തപുരം: തലസ്ഥാനത്ത് നിന്നും രണ്ട് വയസുകാരിയെ തട്ടിക്കൊണ്ടുപോയ സംഭവത്തില്‍ കുട്ടിയെ കുറിച്ച് വിവരങ്ങള്‍ ലഭിക്കുന്നവര്‍ കണ്‍ട്രോള്‍ റൂം നമ്പറില്‍ ബന്ധപ്പെടണമെന്ന് പോലീസ്. 0471 2743195 എന്ന നമ്പറിലോ അല്ലെങ്കില്‍ 112 എന്ന നമ്പറിലോ ബന്ധപ്പെടാവുന്നതാണ്.
അഞ്ച് സംഘങ്ങളായി തിരിഞ്ഞ് ഉന്നത പൊലീസ് ഉദ്യോഗസ്ഥര്‍ ഉള്‍പ്പെടെയാണ് തിരച്ചില്‍ നടത്തുന്നത്. ജില്ലാ അതിര്‍ത്തികളില്‍ ഉള്‍പ്പെടെ പരിശോധന ശക്തമാക്കി. അതിഥി തൊഴിലാളികളെയും കുടുംബത്തിനൊപ്പം വന്ന ആളുകളെയും കേന്ദ്രീകരിച്ചും അന്വേഷണം നടക്കുന്നുണ്ട്.
കാണാതായ സമയത്ത് കറുപ്പില്‍ പുള്ളിയുള്ള വസ്ത്രമാണ് കുട്ടി ധരിച്ചിരുന്നത്. ഹൈദരാബാദ് സ്വദേശികളായ നാടോടി ദമ്പതികളുടെ മകളാണ് കുട്ടി. അമര്‍ദ്വീപ്-റമീനദേവി ദമ്പതികളുടെ മകള്‍ മേരിയെയാണ് ഇന്ന് പുലര്‍ച്ചെ രണ്ട് മണിയോടെ കാണാതായത്.
തിരുവനന്തപുരം പേട്ടയില്‍ നിന്നും കുട്ടിയെ കാണാതായിട്ട് എട്ട് മണിക്കൂറോളം പിന്നിട്ടു. പ്രദേശത്ത് സംശയാസ്പദമായ നിലയില്‍ മഞ്ഞ നിറത്തിലുള്ള ആക്ടീവ കണ്ടിരുന്നതായി മാതാപിതാക്കള്‍ വ്യക്തമാക്കി. സിസിടിവി ദൃശ്യങ്ങള്‍ കേന്ദ്രീകരിച്ച് അന്വേഷണം പുരോഗമിക്കുകയാണ്. കുഞ്ഞിനെ സ്‌കൂട്ടറില്‍ കൊണ്ടുപോയെന്ന് സഹോദരനാണ് മൊഴി നല്‍കിയത്.
വിവരം കിട്ടുന്നവര്‍ ബന്ധപ്പെടേണ്ട നമ്പര്‍
9497947107
9497960113
9497980015
112 എന്ന പൊലീസ് കണ്‍ട്രോള്‍ റൂമിലേക്കും വിളിക്കാം
പ്രതികരിക്കാൻ ഇവിടെ എഴുതുക: